Aımaqtar • 26 Mamyr, 2022

Shaıyr «ılegen» sheber

4061 ret kórsetildi

Atyraýlyq Ilona Kım eki mamandyqty meńgergen. Biri – aǵylshyn tili pániniń muǵalimi, ekinshisi – týrızm menedjeri. Sheteldik kompanııada 12 jyldyq eńbek ótili bar. Alaıda ańsary qolónerge aýǵan sheber shaıyrdan túrli buıym jasap júr.

– Osy óńirde dúnıege kelip, osynda eńbek jolymdy bastadym. Bala kezimnen qolóner buıymdaryna qy­zy­ǵatyn edim. Sol qyzy­ǵýshylyq aqyry sheteldik kompanııadaǵy táýir jumy­sym­dy tastaýǵa májbúr et­ti. Bastapqyda sýret salyp júrdim. Keıin shaıyrdy «ılep», túrli buıym men oıynshyqtar jasaýǵa kósh­tim. О́ıtkeni ózgeniń jasa­ǵan nársesin qaıtalaǵym kel­meıdi. Shıkizat retinde Re­seı­de shyǵarylǵan suıyq epok­sıdti shaıyrdy paıdalana­myn. Onyń 1 lıtri 14 myń teń­ge turady, – deıdi Ilona Kım.

Onyń sheber qolynan úı­de paıdalanatyn səndik buıymdar, sývenırler, saǵat pen kartınalar týyndady. Dámi til úıiretin tátti konfetter salýǵa arnalǵan ydys­ty da jasady. Al jańa jyl qarsańynda shyrshaǵa iletin túrli oıynshyqty daıyndady. Bári – shaıyrdan jasalǵan ónim. 

– Aldymen shaıyrdy 10 mınýttaı aralastyryp, bylaısha aıtqanda, ıin qandyra «ıleımin». Suıyq shaıyr 20-30 mınýtta qatyp qalady. Sol sebepten, oıǵa alǵan buıymdy tez jasaý kerek. Qat­qan shaıyrdy qaıta bal­qyta almaısyń. Pishinge kel­tirý, keptirý, boıaý sekildi ju­mystaryn qosqanda, bir buıym­dy úsh kúnde daıyndap júrmin, – deıdi shaıyr «ıleıtin» sheber.

Oǵan elimizdiń Nur-Sultan men Almaty qalalarynnan, Kókshetaý men Qostanaı óńirlerinen tapsyrystar tú­sip turady. Máselen, Kók­shetaý qalasynan úsh aptada 70 oıynshyqty jasaýǵa tapsyrys túsken. Bul oıynshyqtar kelisilgen merzimde daıyndalyp, tapsyrys berýshige jiberilgen.

 

Atyraý oblysy

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar