Sport • 26 Mamyr, 2022

О́render shyqty saıysqa

153 ret kórsetildi

Semeı qalasynda dańqty balýan, Máskeý Olımpıadasy men KSRO halyqtary spartakıadasynyń jeńimpazy, álem chempıony, Eýropa birinshiligi men Álem kýbogynyń kúmis júldegeri, Odaqtyń eki dúrkin chempıony, Qazaqstannyń Eńbek Eri Jaqsylyq Úshkempirovti eske alýǵa arnalǵan jasóspirimder arasyndaǵy respýblıkalyq týrnır óz máresine jetti.

Jaqsylyq Ámiráliuly­nyń júrip ótken joly búgingi jastar men keıingi urpaqqa úlgi. Abzal azamat sońǵy demi taýsylǵansha eli men hal­qyna qaltyqsyz qyzmet etti. Onyń sporttyq joly da aýyr boldy. Odaqta san márte teńdessiz dep tanylyp, halyqaralyq dodalarda daralanǵanymen, máskeýlik mamandar tarapynan kóp teperish kórdi. Sonyń saldarynan baıraqty básekelerdiń birazynan shet qaldy. Desek te óziniń tabandylyǵy men ójettigi jáne qajyrly eń­beginiń arqasynda kózdegen maqsatyna qol jetkizdi. Úsh­kempirov 29 jastan asqan shaǵynda ǵana Olımpııa oıyndarynda baq synaý qurmetine bólendi. Sol múmkindikti utymdy paıdalanǵan ol tórt jyldyqtyń basty dodasynda bas júldeni oljalady. Al 30 jasynda álem chempıony atandy.

Dańqty balýan boz ki­lem­men qoshtasqannan keıin túrli qyzmetter atqardy. Keıinnen mal kásibimen aınalysyp, «Jaqsylyq» dep atalatyn sharýa qojalyǵyn qurdy. Bastaǵan isin dóń­geletip áketken soń qaıyrym­dylyqpen aınalysty. Atap aıtsaq, ózi turyp jat­qan Almaty qalasynyń irge­sin­degi Myńbaev aýylyna gaz tartty. Balalarǵa arnap sport kesheni men balabaqsha, qoljetimdi baǵamen 50 otbasyna páter saldy. Basqa da ıgi is-sharalardyń basy-qasynda júrdi. Osylaı tiz­bekteı bersek, Olımpıada chem­pıonynyń el-jurtyna sińirgen eńbegi óte zor.

Alash­tyń maqtan tu­tar azama­tyn eske alýǵa ar­­nalǵan Semeı­degi týr­nır­ge kópte­gen eleýli tul­ǵa men sport sańlaqtary kel­di. So­lar­dyń arasynan Iýrıı Mel­nıchenko, Baq­tııar Baı­seıitov, Áset Iman­baev, Er­bol Qo­ńyratov jáne taǵy bas­qa áıgili balýandardy kózimiz shaldy.

Úsh kúnge sozylǵan báse­kelerdiń qorytyndysy bo­ıyn­sha myna jas jetkin­shekter jeńis tuǵyrynyń eń bıik satysyna kóterildi: 38 kılo – Damır Ábilda, 44 kılo – Ernazar Erdáýlet, 52 kılo – Arnat Jarylqasyn, 68 kılo – Baqdáýlet Qamza, 91 kılo – Eldos Tursyn (barlyǵy da Almaty oblysynan), 41 kılo – Erbolat Qanatuly («Lepsi» sport mektebi, Almaty oblysy), 48 kılo – Alpamys Bolat­uly (Qyzylorda), 57 kılo – Márlen Meıirbekuly (Taraz), 62 kılo – Islam Ga­symov (Aqmola oblysy), 75 kılo – Temirlan Ermekuly (Shyǵys Qazaqstan oblysy, Úrjar aýdany), 85 kılo – Nurbolat Jumádil (Semeı qalasyndaǵy Jaqsylyq Úsh­kempirov atyndaǵy sport mek­tebi) jáne 110 kılo – Ersultan Lesbaı (Túrkistan).

Sonymen qatar Semeıdegi Jaqsylyq Úshkempirov atyndaǵy sport mektebiniń túlegi Nurdáýlet Qumaruly («Je­ńiske degen jigeri úshin»), О́skemenniń óreni Ma­dııar Toqtaýhan («Eń úz­dik tásil») jáne Aqmola ob­lysynyń ókili Islam Gasy­mov («Eń úzdik balýa­n») túrli ata­lym boıynsha úz­dik dep tanylyp, arnaıy syılyqtarǵa ıe boldy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar