Asa jeńil salmaqta baq synap júrgen 33 jastaǵy Jalǵas buǵan deıin amerıkalyq promoýshende tórt kezdesý ótkizip, sonyń úsheýinde jeńilgen edi. Endi bir ret utylsa, UFC-diń basshylary onymen kelsimshartty uzartpaýy da ábden múmkin. Sol sebepti osy básekede Jalǵasqa jeńis aýadaı qajet. Bul joly qandasymyz Djeff Molınamen kúsh synasady. 24 jastaǵy AQSh sportshysy oktagonda barlyǵy 12 kezdesý ótkizip, 10 ret jeńiske jetti. Segiz ret aıqyn basymdyq tanytty. Molına jeńisterine kóbine «sabmıshen» ádisi arqyly qol jetkizdi.
Las-Vegastaǵy týrnırdiń basty básekesi asa aýyr salmaqta aıqasatyn reseılik Aleksandr Volkov pen sýrınamdyq Jaırzıno Rozenstraık arasynda ótedi. Sondaı-aq Den Ige (AQSh) men Movsar Evloev (Reseı), Maıkl Trızano (AQSh) men Lýkas Almeıda (Brazılııa) jáne Ode Osborn (Iаmaıka) men Zarýh Adashev (О́zbekstan) arasyndaǵy jekpe-jektiń de kópshiliktiń qyzyǵýshylyǵyn týdyratyny anyq.
