«Eýrazııalyq ekonomıkalyq odaq osy birlestikke qatysýshy múshe elderdiń arasynda erkin saýdany damytý úshin qurylǵan bolatyn. Búgin biz osy maqsatqa jetý jolynda qanshalyqty tabysty boldy degen suraq qoıa alamyz. Men «jaǵymdy» dep jaýap berer edim. Iá, Eýrazııalyq ekonomıkalyq odaq onyń ishinde qazirgideı kúrdeli geoıasaıası ahýal kezinde shynymen de óziniń tıimdiligin kórsetti», dedi Qasym-Jomart Toqaev.
Qazaqstan basshysynyń paıymynsha, keıde odaqta problemalyq máseleler týyndap jatady.
«Keıde bizdiń odaqta Eýropalyq odaq sııaqty basqa da jer sharyndaǵy ekonomıkalyq uıymdardaǵy sııaqty problemalyq máseleler týyndap jatady. Ár memleket óz ulttyq múddesi turǵysynan qarap, ár memleket máseleniń ózderi qajet dep esepteıtin jolmen sheshilgenin qalaıdy. Bul kez kelgen halyqaralyq uıymdaǵy qalypty jaǵdaı. Ásirese saýda máselesimen aınalysatyn uıymdarda solaı. Túptep kelgende halyqtarymyzdyń, adamdarymyzdyń ómiri saýda-sattyqpen baılanysty. Sol úshin de qazir Mıhaıl Vladımırovıch Mıasnıkovıch basqaryp otyrǵan Eýrazııalyq ekonomıkalyq komıssııa qurylǵan bolatyn», dedi Prezıdent.
