Aımaqtar • 27 Mamyr, 2022

Soltústik Qazaqstanda qant taǵy qymbattady

22 ret kórsetildi

Petropavlda qanttyń kelisi 750 teńgege deıin qymbataǵan, dep habarlaıdy Egemen.kz.

О́tken aptada erkin satylymda kelisi 540-580 teńgeden saýdalanǵan. Satýshylardyń aıtýynsha, ótken aptada qant bazar sórelerinen 3-4 kúnge joǵalyp ketken.

«Baǵany turaqtandyrý maqsatynda iri saýda oryndaryna, bazarlarǵa qanttyń táýliktik normasy jetkizilýde. Budan bólek, kommersııalyq qant basqa saýda oryndarynda da jetkilikti. Al kondıterlik kásiporyndarǵa úsh fırma qanttyń kelisin 485 teńgeden ótkizip jatyr.

Jalpy, bıyl biz 816 tonna – 12 vagon qant satyp aldyq. Qazir turaqtandyrý qoryndaǵy byltyr alynǵan qant satylyp jatyr. Sáýir aıynda «Azyq túlik korporasııasy» UK» AQ arqyly qosymsha 136 tonna satyp alyndy», deıdi SQO Kásipkerlik jáne ındýstrıaldy-ınnovasııalyq damý basqarmasynyń bólim basshysy Lázzat Ǵaleeva.

Mamandardyń aıtýynsha, qazirgi ýaqytta turaqtandyrý qorynda 406 tonna qant bar.

«Turaqtandyrý qoryndaǵy qant Áleýmettik-kásipkerlik korporasııasynyń saýda oryndaryna, iri saýda jelilerine, sýpermarketterge, saýda úılerine jetkiziledi. Bazarlarda ǵana bizdiń 6 saýda ornymyz bar. Bul jerlerde baǵasy – 330 teńge. Saýda oryndary ústinen 20 teńge qosyp sata alady. Tek bir ǵana iri saýda jelisi arqyly aptasyna 12 tonna qant satylady», deıdi «Soltústik» ÁKK UK AQ basqarma tóraǵasynyń orynbasary Ǵamalı Jumashov.

Turaqtandyrý qoryndaǵy qant kúzge deıin ǵana jetedi, sol sebepti qazir Kóksý qant zaýytymen kelissóz júrgizilip jatyr.

«Zaýyttar da qanttyń baǵasyn kóterip jiberdi. Mysaly, Kóksý qant zaýyty bizge qanttyń kelisin 430 teńgeden usynyp otyr. Biz ázirge ol baǵany qymbatsynyp, kelisimge kelgen joqpyz», deıdi Ǵamalı Jumashov.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar