Aımaqtar • 27 Mamyr, 2022

Shardarada balyq aýlaýdan respýblıkalyq jarys ótti

17 ret kórsetildi

«Shardara» sý qoımasynyń jaǵajaıynda elimizdiń 5 oblysynan kelgen balyqshylar balyq aýlaýdan baq synady,  dep habarlaıdy Egemen.kz Túrkistan oblysy ákiminiń baspasóz qyzmetine silteme jasap. 

Maqtaaral aýdandyq sport jáne dene shynyqtyrý jáne sport bóliminiń, aýdandyq «Jastar resýrstyq ortalyǵy» KMM-niń jáne «Myrzakent» balyqshylar qaýymdastyǵynyń uıymdastyrýymen Almaty, Jambyl, Qyzylorda, Túrkistan oblystarynyń qalalary men aýdandarynan jáne Shymkent qalasynan kelgen 100-ge jýyq balyqshy 37 komandaǵa bólinip, 3 kún boıy synǵa tústi.
 
«Qazirgi zamanda kúızeliske jıi ushyraıtyn adamdar kóp. Sharshaǵanyńdy basyp, kúızelisińdi jeńýge kómektesetin, ómir súrýge degen qulshynysyńdy arttyratyn demalystyń ári sporttyń erekshe túri – balyq aýlaý. Taza aýada, tunyq sýdyń boıynda júıkeń demalyp, ımmýnıtetiń artatynyn dárigerler de moıyndaıdy. Sondyqtan, Maqtaaral aýdany ákimdiginiń atynan balyqshylar qaýymdastyǵymen birlesip, osy úlken is-sharany ótkizýdi qolǵa aldyq», dedi aýdandyq máslıhattyń depýtaty Súndet Kenjebaev.
 
Uıymdastyrýshylar «Shardara» sý qoımasy balyq aýlaýǵa eń qolaıly sý aıdyndarynyń biri ekenin atap ótti. О́ıtkeni atalǵan sý qoımasy – Maqtaaral, Jetisaı, Shardara, Keles aýdandarynyń arasynda ornalasqan ári elimizdegi eń úlken 3-shi sý qoıma sanalady. Sondaı-aq jyly aımaqta ornalasqandyqtan, balyq sharýashylyǵyna da óte qolaıly.
 
Jarystyń sharty boıynsha ár komanda 3 adamnan quraldy. Bir komandada 6 qarmaqqa deıin paıdalanýǵa ruqsat berildi. Qaıyqpen balyq alýlaýǵa tyıym salyndy. Jarysqa spırttik ishimdik alyp barǵan komandalar birden oıynnan shyǵaryldy.
 
22-24 mamyr aralyǵynda ótken jarys nátıjesinde 4-oryndy «Rınat» komandasy, 3-oryndy «Abısh» komandasy, 2-oryndy «Sabyr» komandasy jeńip aldy. Al 1-oryndy «Abdýl-Qasym» komandasy ıelenip, respýblıkalyq balyq aýlaý jarysynyń chempıony atandy.
 
Sonymen qatar qarmaqty uzaq qashyqtyqqa laqtyrý boıynsha jáne «Alǵashqy balyq», «Úlken balyq» nomınasııalary boıynsha da arnaıy oryndar berildi.
Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar