Qazaqstan • 27 Mamyr, 2022

Eldegi qylmys jasaǵandardyń 80 paıyzy jumyssyzdar

19 ret kórsetildi

Osy jyldyń qańtar-sáýir aılarynda memleket boıynsha 20 myń qylmystyq quqyqbuzýshylyq tirkelgen, dep habarlaıdy Egemen.kz Finprom.kz saıtyna silteme jasap.

Bul kórsetkish byltyrǵyǵa qaraǵanda 1,9%-ke azaıǵan.

Onyń ishinde 3,8 myń adam qylmys jasasa, 7,2 myń adam – ortasha aýyrlyqtaǵy qylmys, 5,4 myń adam – aýyr qylmys, 3,1 myń adam – jeńil qylmys, 459 adam asa aýyr qylmys jasaǵan.

О́ńirlik bóliniste qylmyskerlerdiń basym bóligi Almaty oblysynda (2,4 myń adam) ekendigi anyqtalǵan. Sondaı-aq antılıderler úshtigine Almaty (2,3 myń adam) jáne Nur-Sultan (1,7 myń adam) qalalary kiredi.

Qylmyskerlerdiń eń azy Qyzylorda oblysynda tirkelgen: 436 adam, bir jyl buryn 466 adam bolǵan.

Qylmyskerler sanynyń kóbeıýi boıynsha Soltústik Qazaqstan oblysy (10,9%-ke ósken), azaıýy boıynsha Jambyl oblysy (15,2%-ke kemigen) alda keledi.

Qylmyskerlerdiń 79,2% nemese 15,8 myńy – jumyssyzdar. Olardyń sany bir jylda 3,3%-ke qysqarǵan. Al qalǵan 1,4 myń tártip buzýshy – jumysshy, 381-i – memlekettik qyzmetker, 339 adam – bilim alýshy, 261 adam – jeke kásipker ekeni belgili boldy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar