Aımaqtar • 29 Mamyr, 2022

Kúrish ónimin arttyrý jaıy sóz boldy

82 ret kórsetildi

Qyzylorda oblystyq kásipkerler palatasynyń shaqyrýymen Syr boıyna Ýkraına ulttyq agrarlyq akademııasy kúrish ınstıtýtynyń dırektory Vladımır Dýdchenko, kúrish zertteý ınstıtýtyndaǵy tájirıbelik sharýashylyq dırektory Andreı Boreıko, kásipker Aleksandr Polohov kelip, óńirdegi sý, aýyl sharýashylyǵy salasyna jaýapty memlekettik organ ókilderimen, sharýalarmen kezdesti.

Ýkraınalyq ǵalymdar qa­tys­qan kezdesýlerde sharýa­shy­­lyqty ártaraptandyrý, sýdy tıimdi paı­dalaný, ekijaqty saýda-sat­tyq pen kúrish shyǵymyn arttyrý tal­qylandy.

Syrdarııa sýynyń jyl sa­ıyn sarqylyp kele jatqanynan ýkraınalyq ǵalymdar da habardar eken. Olar óz elderindegi osyndaı problemany sheshý tá­jirıbesin aıtty. Eki oblysy kúrish egýmen aınalysatyn Ýkraı­nada sýdy bizge qaraǵanda eki ese az paıdalanady. Bul Úkimet, jergilikti atqarýshy organ jáne kásipkerler birlese jasaǵan jumystyń nátıjesi. Qonaqtar jalpy bul másele Ýk­raı­nada arnaıy memlekettik baǵ­darlama arqyly sheshilgenin aıtady.

– Sharýashylyq ıeleri eń aldymen kúrish egiletin alqaptyń tegis­tigin qolǵa alýǵa tıis, al ákim­dik kanaldardy qorshap, re­konstrýksııa jasap, astyn betondap, jaýapty mekemeniń balan­syna berý jumystaryn uıymdastyrǵany jón, – dedi V.Dýdchenko.

Ýkraınalyq delegattar kú­rish sorttary jaıly da aıtyp ótti. Qazir qyzylordalyq dıqandar qoldanyp júrgen tuqymdar gektaryna 50-60 sent­nerden aınalsa, 105 kúnde pi­se­tin ýkraı­nalyq kúrishten budan da joǵary ónim alýǵa bolady. Byltyr Ja­laǵash aýda­nyndaǵy «Er Áli» sharýa qoja­lyǵy osy tuqymdy egip, gektaryna 90 sent­nerden ónim aldy.

Qonaqtar qyzylordalyq ká­sip­kerlermen saýda-sattyq jaǵ­daıyn da talqylady. Eki jaq ókilderi sońǵy ýaqyttaǵy geosaıası jaǵdaılarǵa baılanysty ki­diristep qalǵan baılanysty jandandyrýǵa daıyn ekenin aıtyp, taýardy jetkizý baǵytyn aqyldasty. Qos el mamandary aýyl sharýashylyǵyn ár­ta­rap­tan­dyrý máselesin, bir­les­k­en jobalar jaıyn da sóz etti. Ýk­raı­nalyqtar keleshekte Syr b­o­ıynda qant óndirisin júzege asyryp kórmek.

– Ýkraınalyq áriptes­te­ri­mizdiń tájirıbesi bizge kóp kóme­gin tıgizedi dep úmittenemiz. Alda tyń tájirıbelerdi oblys kásipkerlerine jetkizip, júze­ge asyrý múmkindikterin qarastyramyz, – dedi oblystyq kásipkerler palatasynyń dırektory Pirmuhammed Syzdyqov.

 

Qyzylorda oblysy

Sońǵy jańalyqtar

Balabaqsha ma, álde mektep pe?

Bilim • Búgin, 08:35

Múgedekterge 254 mlrd tólendi

Qoǵam • Búgin, 08:34

«TekTau»-dyń baly tanymal

Aımaqtar • Búgin, 08:30

Tuńǵysh túsindirme kitap jaryq kórdi

Qazaqstan • Búgin, 08:27

Tıgraı tynyshtalmaı tur

Álem • Búgin, 08:23

Ashyq aspan astyndaǵy mýzeı ashylady

Aımaqtar • Búgin, 08:22

Jol kartasyn júzege asyrý mańyzdy

Saıasat • Búgin, 08:20

Dıplomatııa ardagerleri marapattaldy

Qazaqstan • Búgin, 08:18

О́ńir turǵyndarymen kezdesti

Saıasat • Búgin, 08:15

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar