ShQO Tótenshe jaǵdaılar departamenti baspasóz qyzmetiniń málimetine súıensek, óńirde aldaǵy aptada aýa temperatýrasynyń kúrt ysýyna baılanysty ózen-kól jaǵalaýlarynda demalýshylar kóbeıedi. Onyń ishinde sýǵa túsýge ruqsat etilmegen oryndarǵa baratyndar az emes.
Sonyń saldarynan jazataıym oqıǵalar bolyp jatady. О́tken shomylý maýsymynda sý aıdyndaryna 35 adam batyp ketti. 2022 jyldyń basynan bastap 3 adam sýǵa ketken.
«Qazirgi ýaqytta oblystyq máslıhattyń sheshimine sáıkes, 116 jaǵajaıda shomylýǵa tyıym salynǵan. Sol jerlerge 157 tyıym salý belgisi ornatyldy. Bul ýchaskelerde sýdyń aǵyny qatty, túbi tekserilmegen jáne jaqyn jerde qutqarýshylar men dárigerler beketteri joq», delingen aqparatta.
Sonymen qatar qutqarýshylar jazataıym oqıǵalardyń aldyn alý úshin polısııa qyzmetkerleri jáne eriktilermen birigip, patrýldeýge shyǵady. О́tken aptada 170-ten astam profılaktıkalyq reıd júrgizilgen.
