Basqa qala turǵyndarymen birge kezekke turǵan óńir ákimi О́skemen qalasyndaǵy №42 orta mektepte ornalasqan №9 saılaý ýchaskesinde saılaý bıýlletenin alyp, toltyrdy. Saılaý komıssııasynyń músheleri tańerteńnen bastap azamattyq ustanymyn bildirgisi keletin halyqtyń úlken aǵymy júrip jatqanyn atap ótti. Ásirese daýys berýshiler arasynda jastar kóp.
«Konstıtýsııaǵa engiziletin árbir ózgeris, saıyp kelgende, bizdiń ómirimizge qatysty. Sondyqtan men úlken qanaǵattanýshylyqpen, balalarym men nemerelerimniń baqytty, gúldengen Qazaqstanda ómir súretinine kámil senemin», dedi aımaq basshysy.
Esterińizge sala keteıik, usynylyp otyrǵan reformalardyń negizgi aspektisi Prezıdenttiń, Parlamenttiń, Úkimettiń ókilettikterin qaıta bólý túrinde tejemelik pen tepe-teńdiktiń ózindik júıesin qurý bolyp sanalady.
Túzetýler búkil Konstıtýsııanyń úshten bir bóligin – 33 bapty qamtıdy, bul olardyń aýqymyn kórsetedi. Olardy referendýmǵa shyǵarý memlekettik qurylys turǵysynan túsinikti qadam ekeni sózsiz. Jalpy, jalpyhalyqtyq daýys berý – azamattardyń qandaı da bir másele boıynsha óz pikirin bildirýiniń dástúrli tásilderiniń biri. Sonymen qatar bul halyqaralyq tájirıbege sáıkes keledi.
