Aıy-kúni taıaý Galına Bıtlıan sýǵa batyp bara jatqan balany qutqardy

Aqsý qalasy aýmaǵyna qarasty Evgenevka aýylynyń 22 jastaǵy turǵyny Galına Bıtlıannyń aıtýynsha, olar kúndelikti ádetterimen kish­kentaı uly ekeýi ózen jaǵa­synda serýendep júripti. Sol sátte úlkenderdiń qara­ýynsyz oınap júrgen eki balany baıqap qalady. Biraz ýaqyttan keıin jaǵalaýda qalǵan bir balany kóredi. Ekinshi bala muz ústinde sekirip oınamaq bolyp turǵanda, kenetten sý astyna túsip ketkenin kóredi. Juqa muzdyń jarylyp ketkeni anyq. Eki balanyń da qatty shoshyǵandarynan tipti aıqaılaýǵa daýystary shyqpaıdy. Al, Galınanyń sábıin dúnıege ákelýine bir-aq apta ýaqyt qalǵan-dy. Oılanyp turýǵa ýaqyt joq. Galına muzdaı sýyq sýǵa túsip, balany jaǵaǵa qaraı súırep alyp shyǵady. Sol eki arada kómekke jaǵalaýda júrgender de júgire jetedi. Qutqarýshylardy, jedel járdemdi shaqyrady. Jedel járdem 8 jasar Mak­sım­di de, aıaǵy aýyr Galınany da aýrýhanaǵa shuǵyl túrde alyp ketedi. Jýyrda oblys­tyq tó­tenshe jaǵdaılar depar­­ta­menti Galına Bıtlıan­dy qaı­sarlyq pen erlik kór­setkeni úshin «Erligi úshin» me­da­line usy­nylǵanyn habarlady. Farıda BYQAI, «Egemen Qazaqstan». Pavlodar oblysy.