«Elden jylystatylǵan qarjyny jáne zańsyz jekeshelendirilgen aktıvterdi memlekettiń ıeligine qaıtarý jóninde Mekemearalyq komıssııa quryldy. Bul úshin men arnaıy Jarlyqqa qol qoıdym.
Biz adam quqyǵy men bostandyǵyn qorǵaý júıesin keshendi túrde kúsheıtýge negizdelgen baǵdarymyzdy jalǵastyra beremiz. Quqyqtyq reforma aıasynda Konstıtýsııalyq sot qaıta qurylady. Onyń qaýlylaryna jedel áreket etý tetigin engizý qajet», dedi Prezıdent.
Onyń aıtýynsha, sonda azamattarymyz osy asa mańyzdy ınstıtýt qyzmetiniń paıdasyn sezine alady.
«Jańa, Ádiletti Qazaqstanda polıseılerdiń ozbyrlyǵyna, biliksiz prokýrorlar men birjaqty sýdıalarǵa jol berilmeıdi. Qoǵam quqyq qorǵaý jáne sot júıesiniń shyn máninde ózgergenin qalaıdy.
Men elimizdi damytýdyń osy jáne basqa da máseleleri boıynsha naqty sheshimderdi qyrkúıek aıynda ótetin Parlamenttiń kezekti sessııasynyń ashylýynda aıtamyn», dedi Qasym-Jomart Toqaev.
