Úkimet • 07 Maýsym, 2022

Memlekettik qoldaý aıasynda 500 myń adam jumyspen qamtylady

22 ret kórsetildi

Eńbek jáne halyqty áleýmettik qorǵaý mınıstri Tamara Dúısenova turǵyndardy jumyspen qamtý úshin memleket qandaı sharalar júrgizetinin aıtyp berdi, dep habarlaıdy Egemen.kz.

«Taǵy bir baǵyt – azamattardyń jekelegen sanattaryn jumysqa ornalastyrý jáne óz isin ashýǵa memlekettik qoldaý kórsetý. Onyń ishinde maqsatty toptarǵa tıimdi jáne turaqty jumys ornyn ashatyn mekemelerge memlekettik sýbsıdııa bólý kózdelgen. Bıyl osyndaı 100 myń jumys orny josparlanyp, oǵan bıýdjetten 77 mıllıard teńge qarajat bólindi. Jergilikti atqarýshy organdardyń dereginshe, búginge deıin 84,4 myń azamat osyndaı jumysqa tartyldy», dedi Tamara Dúısenova Úkimet otyrysynda.

Sonymen birge halyqtyń áleýmettik osal toptary men jastardyń kásipkerlik bastamalaryn qoldaý da qarastyrylǵan. Osyndaı 20 myń grantty qarjylandyrýǵa bıýdjetten 25,8 mıllıard teńge kózdelgen. Qazirge deıin 1400-den astam azamat grant ıegeri atanǵan.

«Tehnologııalardyń damý qarqynyn eskere otyryp, jumys kúshiniń biliktiligi men mashyǵyn únemi jetildirý de memleket nazarynda. Jumys berýshilerdiń talabyna sáıkes, bıyl 36 myń adamdy oqytý jáne qaıta daıarlyqtan ótkizý josparlanǵan. Qazirdiń ózinde 9 myńnan astam azamat bul múmkindikti paıdalanyp úlgerdi. Odan bólek bos jumys oryndaryna joldama beriledi. Bul shara Elektrondy eńbek bırjasynyń bazasynda júrzilýde. Bıylǵy meje – 350 myń, sonyń ishinde 91 myń adam osy tásil boıynsha jumysqa ornalasty. Joǵaryda atap ótken memlekettik qoldaý sharalary aıasynda bıyl 500 myńnan asa adamdy jumyspen qamtý kózdelgen», dedi Eńbek mınıstri.



 

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar