«Azamattarǵa arnalǵan úkimet» Shyǵys Qazaqstan oblysy boıynsha fılıalynyń málimetine sáıkes, 1 sáýirden bastap aılyq eseptik kórsetkish – 3180 teńge (3063 teńge 01.01.2022j. bastap), eń tómengi zeınetaqy – 48032 teńge (46302), bazalyq zeınetaqynyń eń tómengi mólsheri – 20 191 teńge (19450), eń tómengi kúnkóris deńgeıi – 37 389 teńge (36018), eń tómengi jalaqy – 60000 teńge (60000) boldy.
Múgedektigi boıynsha, asyraýshysynan aıyrylǵandardyń memlekettik áleýmettik járdemaqylar da ósti. Mysaly, I toptaǵy múgedekke beriletin járdemaqy 69 155-ten 71 787 teńgege ósti. Jańa týǵan balaǵa beriletin birjolǵy járdemaqy 116 394 teńgeden 120 840-qa ósti. Tórtinshi balaǵa 192 969-dan 200 340 teńge boldy. Sondaı-aq 1 sáýirden bastap, osyǵan deıin taǵaıyndalǵan jasyna baılanysty jáne eńbek sińirgen jyldary úshin zeınetaqy tólemi 4%-ǵa artty. Onyń mólsherin esepteý úshin eskeriletin eń joǵary tabys 46 eselengen AEK-ten aspaýy kerek. Iаǵnı, 146 280 teńge. 2022 jyly 1 qańtarda bul kórsetkish 140 898 teńgeni qurady.
«Azamattarǵa arnalǵan úkimet» memlekettik korporasııasy» KE AQ-nyń Shyǵys Qazaqstan oblysy boıynsha fılıaly dırektorynyń orynbasary Janat О́mirǵalıevanyń aıtýynsha, Shyǵys Qazaqstan oblysynda 232 myńǵa jýyq zeınetkerdiń zeınetaqysy ósken. Onyń ishinde О́skemende 67 574, al Semeı qalasynda 55 525 zeınetker.
«Múgedektigi boıynsha 38 631 jáne asyraýshysynan aıyrylǵan 14 759 adamnyń járdemaqysy artqan. Jalpy búgingi kúni ShQO boıynsha arnaýly memlekettik járdemaqy alýshylar – 41 600, kópbalaly otbasylar – 18 861, kópbalaly analar, alqamen marapattalǵandar – 12 332, bala bir jasqa tolyq tolǵanǵa deıin onyń kútimine baılanysty járdemaqy alýshylar – 2403-di quraıdy», dedi J.О́mirǵalıeva.
Buǵan qosa oblys boıynsha 19 125 adam memlekettik áleýmettik saqtandyrý qorynan bala bir jasqa tolǵanǵa deıingi kútimine baılanysty tabysynan aıyrylǵan jaǵdaıǵa baılanysty áleýmettik tólem alady.
Sondaı-aq memlekettik korporasııamen kórsetiletin 44 memlekettik qyzmet túrine elektrondy túrde onlaın ótinish berýge bolatynyn. Ol úshin qyzmet alýshylardyń uıaly telefon nómirleri mindetti túrde mobıldi azamattar bazasyna (MAB) tirkelýi kerek ekenin jetkizdi.
Shyǵys Qazaqstan oblysy
