«Atalǵan baǵdarlamaǵa kópbalaly otbasylar, erekshe qajettiligi bar bala tárbıelep otyrǵan jáne tolyq emes otbasy (ajyrasqan ýaqyty 3 jyldan kem bolmaýy tıis) sanatyna jatatyn memlekettik páter kezegine turǵan Otbasy bankiniń salymshylary qatysa alady», dep habarlaıdy bank baspasóz qyzmeti.
Aıta ketsek, ótinim otbasybank.kz saıty arqyly qabyldanady.
Buǵan deıin «Baqytty otbasy» baǵdarlamasyna ótinim qabyldaý keıinge shegerilgen edi.
«Otbasy bankiniń» basqarma tóraǵasy Lázzat Ibragımovanyń aıtýynsha, atalǵan turǵyn úı baǵdarlamasyn júzege asyrýǵa bıýdjet esebinen 51 mlrd teńge bólingen. Baǵdarlama aıasynda 5 myńǵa jýyq otbasy baspanaly bolady dep kútilýde.
