Ekologııa • 17 Maýsym, 2022

Jaıyq ózenin tazartatyn kommýnaldyq kásiporyn qurý usynyldy

21 ret kórsetildi

Atyraý oblysynyń ákimi Serik Shapkenov Májilistegi parlamenttik tyńdaýda Jaıyq ózenin tazartý boıynsha shuǵyl sharalar qabyldaý qajettigi týraly málimdep, ol úshin mamandandyrylǵan kommýnaldyq kásiporyn qurý talap etiletinin aıtty, dep habarlaıdy Egemen.kz.

О́ńir basshysy shuǵyl áreketti talap etetin birqatar máselelerdi tizbektep ótti. Olardyń qatarynda Kókjıde tushy sý ken ornynyń qorlaryn paıdalaný boıynsha tehnıkalyq-ekonomıkalyq negizdeme ázirleý máselesi de bar.

Sondaı-aq sý resýrstarynyń lastanýyn boldyrmaý úshin ózenderdi batyp ketken úlken zattardan tazartý qajet ekeni aıtyldy.

Serik Shapkenov óńirdegi ózenderdiń túbin tereńdetý jumystaryn turaqty negizde júzege asyratyn mamandandyrylǵan kommýnaldyq kásiporyn qurý qajet dep sanaıdy. Bul gıdrologııalyq rejımdi jaqsartýǵa jáne Atyraý oblysy aýmaǵynda sý deńgeıin arttyrýǵa múmkindik beredi.

«Jaıyq jáne Qıǵash ózenderindegi sý jyldan jylǵa azaıyp keledi. Osyǵan baılanysty ózen saǵalaryn tazartý jáne túbin tereńdetý máselesi ózekti bolyp qala beredi. Olar bolmaǵan kezde balyqtar teńizden ózenge óte almaýy múmkin. Bul - ýyldyryq shashý úshin qolaıly jerlerge ótkizetin saǵalar. Balyq tabıǵı túrde ýyldyryq shashady, teńizden ózenderge ótip, bul saǵalardy aınalyp ótedi. Osy problemany sheshý merzimderin sozý Kaspıı teńiziniń balyq qoryn molaıtý múmkindigin joǵaltýǵa ákep soǵatynyn eskerý qajet», dedi Serik Shapkenov.

Gıdrologııalyq rejımdi jaqsartý jáne Jaıyq pen Qıǵash ózenderiniń ósimin molaıtý úshin 2017 jyldan bastap 2021 jylǵa deıingi kezeńde túbin tereńdetý jumystary júrgizildi, olardyń uzyndyǵy 169 kılometrdi quraıdy. 2022-2026 jyldary jalpy alǵanda 295 km-ge jalpy somasy 21,1 mlrd teńgege qosymsha jumys júrgiziletin bolady.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar