Otyrysta Ákimshilik quqyq buzýshylyq týraly kodekske ózgerister men tolyqtyrýlar, sondaı-aq áskerı qyzmet ótkerý tártibin jetildirýge qatysty zań jobasy talqylandy.
«Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasy Qazaqstan Respýblıkasy Prezıdentiniń tapsyrmasyn iske asyrý, ákimshilik jaýapkershilikti engizýmen qatar baılanys jáne ınternet qyzmeti salasynda tutynýshylardyń quqyqtaryn tıimdi qorǵaýdy qalyptastyrý maqsatynda ázirlendi.
Al «Qazaqstan Respýblıkasynyń keıbir zańnamalyq aktilerine quqyq qorǵaý qyzmetin ótkerý tártibin jetildirý, quqyq qorǵaý organdary, arnaýly memlekettik organdar qyzmetkerleriniń jáne áskerı qyzmetshilerdiń quqyqtyq jáne áleýmettik qorǵalýy men jaýaptylyǵyn arttyrý, vedomstvoaralyq úılestirý, ishki ister organdarynyń derbestigi, jekelegen qylmystyq quqyq buzýshylyqtar úshin jaýaptylyqty kúsheıtý jáne qarý aınalymy máseleleri boıynsha ózgerister men tolyqtyrýlar engizý týraly» zań jobasy negizgi 2 bólikke bólindi.
«Birinshi blokta kadrlyq qamtamasyz etý, áskerı qyzmetti ótkerý jáne áleýmettik qamtamasyz etý salasyndaǵy túzetýler kózdelip otyr. Ekinshisi qarý aınalymy salasyn zańnamalyq retteýge, polıseılerdiń quqyqtyq qorǵalýyn arttyrýǵa, kúsh qurylymdarynyń derbestigin qamtamasyz etýge baǵyttalǵan», delingen habarlamada.
Sondaı-aq Senatorlar komıtettiń keńeıtilgen otyrysynyń qorytyndysy boıynsha zań jobasyn Palatanyń qaraýyna jiberý týraly sheshim qabyldady.
