Qaýipsizdik Keńesi hatshylarynyń kezekti kezdesýi

Prezıdenttiń kómekshisi – Qazaqstan Respýblıkasy Qaýipsizdik Keńesiniń hatshysy Qaırat Qojamjarov UQShU-ǵa múshe elder Qaýipsizdik keńesteri hatshylary komıtetiniń (QKHK) kezekti májilisine qatysty. Reseı tarapynyń usynysy boı­ynsha májilis Cheshenstan Res­pýb­lıkasynyń astanasy – Groz­nyı qalasynda ótti. UQShU-nyń Bas hatshysy Nıkolaı Bordıýja QKHK máji­lisine qatysýshylardy UQShU-nyń jaýapkershiligi aımaǵyndaǵy jáne soǵan jaqyn jatqan aýmaq­tar­daǵy jaǵdaı týraly habardar etti. Sondaı-aq, UQShU-nyń Ujym­dyq qaýipsizdik keńesi tara­pynan 2013 jyldyń 23 qyr­kúıeginde Sochı qalasynda berilgen tapsyrmalardyń júzege asyrylý barysy týraly aqparat berdi. QKHK jumysynyń barysynda delegasııa basshylary UQShU-nyń jarǵylyq qujattarynda qa­rastyrylǵan birlesken is-qı­myl qyzmetine qatysty birqatar máselelerdi talqylady. Atap aıt­qanda, tabıǵı jáne tehnogendik sıpattaǵy tótenshe jaǵdaılarǵa ujymdyq qarsy turý salasyndaǵy Is-qımyl josparynyń jobalary men Uıym aıasynda jedel is-qımyl tanytý jáne áskerı-ekonomıkalyq yntymaqtastyqty Ujymdyq kúshter sheńberinde odan ári damytý máseleleri qaraldy. QKHK májilisiniń qory­tyn­dysy boıynsha qaýipsizdik keńe­siniń hatshylary UQShU-ǵa múshe elder yntymaqtastyǵyn odan ári jetildirýge baǵyttalǵan birqatar birlesken qujattarǵa qol qoıdy. QKHK májilisine qaty­sý­shy­lardy Cheshenstan Respýb­lı­ka­synyń basshysy Ramzan Qadyrov qabyldady. Groznyıda bolýy barysynda Q.Qojamjarovtyń Reseı qaýip­sizdik keńesiniń hatshysy N.Pat­rý­shevpen eki jaqty kezdesýi ótti. «Egemen-aqparat».