Qazaqstan jelilik daıyndyq ındeksi boıynsha TMD elderin basyp ozdy

Dúnıejúzilik ekonomıkalyq forýmnyń (DEF) jarııalaǵan esebine sáıkes, Qazaqstan jelilik daıyndyq ındeksi boıynsha 148 eldiń ishinde 38-shi orynǵa ıe boldy. 2013 jylmen salystyrǵanda reıtıngtik kórsetkishte 5 satyǵa joǵarylap, TMD memleketteri arasynda eń joǵary kórsetkishke qol jetkizdi. Qazaqstannyń aldynda 37-shi orynǵa Kıpr memleketi, al 39-shy orynǵa Latvııa memleketi ornalasqan. Reseı bolsa atalǵan kórsetkish boıynsha 50-shi orynǵa turaqtady. 2014 jylǵy DEF reıtın­gi­sin­­de Fınlıandııa, Sıngapýr, Shve­sııa memleketteri kósh bas­­tap tur. Jelilik daıyndyq ın­deksi eldegi aqparattyq-kom­mý­nı­ka­tıvtik tehnologııalardyń (AKT) damý deńgeıine baı­lanysty anyqtalady jáne bir­neshe kórsetkishterden qu­ra­lady. Kórsetkishterge keler bolsaq, Qazaqstan uıaly baılanys abo­nentteriniń sany boıynsha 3-shi oryndy ıelense, keń jolaqty Internet jelisine qoljetimdilik boıynsha 8-shi orynda. Al, uıaly baılanys tarıfiniń kórsetkishi jóninen 17-shi orynda. «Egemen-aqparat».