Qoǵam • 23 Maýsym, 2022

Qant qymbattaıdy

422 ret kórsetildi

QR Premer-Mınıstriniń orynbasary – Saýda jáne ıntegrasııa mınıstri Baqyt Sultanov qanttyń qymbattaýyna tosqaýyl joq ekenin moıyndady, dep habarlaıdy Egemen.kz.

Úkimet otyrysynan keıin jýrnalısterdiń saýalyna jaýap bergen mınıstr Baqyt Sultanov áleýmettik mańyzdy 6 taýar boıynsha ımportqa táýeldilik bar ekenin eske saldy.

«Bizde taýardyń alty túri boıynsha ımportqa táýeldilik bar. Negizgi taýarlar jetpeı qalmaıdy. Importqa táýeldilikti shekteýge arnalǵan arnaıy baǵdarlamamyz bar. Bizde eksportqa táýeldi taýarlar da bar. Mysaly bıdaı biz úshin sondaı taýar. Syrtqy naryqta baǵa qymbattasa, óz ishimizde de qymbattaıdy», dedi vedomsvto basshysy.

Onyń sózine qaraǵanda, qant sııaqty áleýmettik mańyzy bar taýarlardyń baǵasyn áleýmettik-kásipkerlik korporasııalar arqyly turaqtandyrý jumysy júrgizilip jatyr. Al keıbir taýarlardyń baǵasy «Qarjy aınalymy» tetigi arqyly boıynsha turaqtandyrylǵan.

«Degenmen azyq-túliktiń keı túri, mysaly, qant boıynsha aıtsaq, biz qalasaq ta, qalamasaq ta baǵa ósedi. О́ıtkeni búkil álem boıynsha bırjadaǵy baǵa kóterilip barady. Bizge negizgi qant jetkizýshi Reseıdiń ózi tasymaldy toqtatqandyqtan, bul ahýal bizge áser etýde. Logıstıka shyǵyndary búkil álemde ósti», dedi Baqyt Sultanov.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar