Komıtet tóraǵasy elshimen kezdesti

Senattyń Qarjy jáne bıýdjet komıtetiniń tóraǵasy Rashıt Ahmetov Japonııanyń Qazaqstandaǵy elshisi Masaesı Kamoharamen kezdesti, dep habarlady Qazaqstan Respýblıkasy Parlamenti Senatynyń baspasóz qyzmeti. Júzdesýshiler memleketaralyq ózara is-qımyldyń mańyzdy túri bolyp tabylatyn Qazaqstan-Japonııa parlamentaralyq baılanystaryn damytý týraly pikir almasty. R.Ahmetov atap ótkendeı, qazirgi kezde ekijaqty parlamentaralyq únqatysýdy keńeıtý úshin jaqsy negiz jasaldy. Qazaqstan Parlamentiniń qos palatasynda da Japonııa Parlamentimen yntymaqtastyq toptary jumys isteıdi. Japonııanyń joǵary zań shyǵarý organynda da Qazaqstanmen Dostyq lıgasy bar. Senattaǵy yntymaqtastyq tobyna jetekshilik etetin R.Ahmetovtiń pikirinshe, osy birlestikterdiń áleýetin meılinshe tolyq kólemde paıdalaný qajet. Kezdesýde, sondaı-aq, eki eldiń isker toptary arasyndaǵy baılanystardy qalyptastyrý joldary, Astanada ótetin EKSPO-2017 halyqaralyq kórmesine japon kompanııalarynyń qatysýy jáne mádenı-gýmanıtarlyq almasýlardy nyǵaıtý jóninde sóz boldy. Kezdesýge Senattyń Halyqaralyq qatynastar, qor­ǵa­nys jáne qaýipsizdik komıtetiniń hatshysy Birǵanym Áıtimova qatysyp, Semeı ıadrolyq po­lıgony aýmaǵyn saýyqtyrýǵa halyqaralyq jár­dem, sondaı-aq, aeroǵarysh salasyndaǵy ynty­maq­tastyqtyń keleshegi týraly máselelerdi kóterdi.