«Oral Taza Servıs» JShS dırektory Rafhat Danaǵulovtyń aıtýynsha, kásiporyn jumysshylary aqpannyń sońynda narazylyq bildirip, jalaqylaryn 150 myń teńgege deıin kóterýdi talap etkenimen, áli kúnge deıin 110 myń teńgege jýyq eńbekaqy alyp otyr.
«Olar óz talaptaryn azyq-túlik pen kommýnaldyq qyzmetterdiń qymbattap jatqanymen túsindirdi. Olardyń kóbi kópbalalylar qatarynda, jaldamaly baspanada turady, al páter aqysy arzandap jatqan joq. Baǵanyń úzdiksiz ósýine baılanysty otbasyna qarajat jetpeı otyr. Biz olardy jumysqa shyǵýǵa áreń kóndirdik jáne óz kezeginde jańa tarıftiń bekitilýine senip, jalaqyny ósirýge ýáde berdik», deıdi kásiporyn basshysy.
Onyń aıtýynsha, byltyr qarasha aıynda turǵyn úı-kommýnaldyq sharýashylyǵy benzın men qosalqy bólshekterdiń qymbattaýyna baılanysty qoqys shyǵarý tarıfin kóterý týraly jergilikti atqarýshy organdarǵa ótinish bergen. Biraq qańtar oqıǵasy men Qazaqstanda kommýnaldyq qyzmet tarıfterin kóterýge moratorıı jarııalanýyna baılanysty bul másele sheshilmedi.
Kompanııada atap ótilgendeı, búginde halyqtyń qoqys shyǵarý qyzmeti úshin kásiporyn aldyndaǵy qaryzy 190 mıllıon teńgege jýyqtasa, eki jyl buryn bul kórsetkish 250 mıllıon teńgeni quraǵan. Boryshkerlerge qatysty máseleler tek eskretý arqyly, odan keıin sot oryndaýshylar arqyly qaryzdy tólemegen azamattardyń jeke shottaryna tyıym salý arqyly ǵana sheshilip otyr.
