Prezıdent • 29 Maýsym, 2022

Memleket basshysy: Kaspıı - sheksiz múmkindikter teńizi

30 ret kórsetildi

Qazaqstan Prezıdenti Qasym-Jomart Toqaev Túrikmenstannyń Ashhabad qalasynda ótip jatqan altynshy Kaspıı sammıtine qatysyp jatyr, dep habarlaıdy Egemen.kz.

«Aqtaý sammıti búkil álemdik qoǵamdastyqqa Kaspıı mańy memleketteriniń kúrdeli máselelerdi tek beıbit jolmen, tatý kórshilik pen dostyq rýhynda sheshýge qabiletti ekenin kórsetti. Besjaqty ózara is-qımyldy keshendi tereńdetý úshin berik quqyqtyq irgetas qalaǵan Kaspıı teńiziniń quqyqtyq mártebesi týraly konvensııaǵa kóp jylǵy kelissózderden keıin qol qoıylýy osynyń kórneki dáleli bolyp otyr», dedi Prezıdent.

Memleket basshysy Kaspıı mańy elderiniń áleýetin tolyqqandy paıdalaný úshin yntymaqtastyqqa qatysty paıymyn usyndy.

«Kaspıı - bul paıdaly resýrstardyń úlken ortalyǵy ǵana emes, sonymen birge sheksiz múmkindikter teńizi. Búgingi tańda bizdiń birinshi kezektegi mindetimiz - Konvensııanyń tez arada kúshine enýin qamtamasyz etý. Tórt jyl boıy osy máselege qatysty ózara qolaıly sheshimderdi izdeý boıynsha tynymsyz jumys júrgizilýde. Biz taraptardyń ustanymdaryna túsinistikpen qaraımyz, óıtkeni bul máseleler ulttyq múddelerdi tikeleı qozǵaıdy», dedi Memleket basshysy.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar