Koronavırýs • 30 Maýsym, 2022

Qazaqstanda koronavırýs juqtyrǵandar kóbeıip keledi

61 ret kórsetildi

Qazaqstanda aldyńǵy aptamen salystyrǵanda koronavırýs indetiniń taralýy 3,6 esege, ıaǵnı, 127-den 457 jaǵdaıǵa deıin ósti. Bul týraly Densaýlyq saqtaý mınıstrligi málim etti, dep habarlaıdy Egemen.kz.

Taratylǵan málimetke qaraǵanda, COVID-19 aýrýynyń taralýy basqa elderde de ósip keledi. Máselen, koronavırýs ınfeksııasyna qatysty álemdik statıstıka derekteri boıynsha sońǵy 7 kúnde indet juqtyrý kórsetkishi 15 paıyzǵa, ólim-jitim 3 paıyzǵa ósti.

«Sońǵy aptada Qazaqstanda indetti juqtyrýdyń 457 jaǵdaıynyń 391-i nemese 85 paıyzy Almaty jáne Nur-Sultan qalalaryna tıesili. Júrgizilgen taldaý kezinde pasıentterdiń 80 paıyzy KVI-ge qarsy vaksına almaǵan adamdar ekeni, sondaı-aq vaksınalaýdan keıin 6 aıdan astam ýaqyt ótken adamdar ekeni anyqtaldy. Bul derekter vaksınalaý KVI ınfeksııasynan qorǵaýdyń jáne ujymdyq ımmýnıtetti qalyptastyrýdyń jalǵyz tıimdi qadamy ekenin kórsetip otyr», delingen mınıstrlik málimetinde.

Qazir táýligine 20-21 myń ekpe jasalady. Osy baǵyttaǵy jumystar jalǵasyp keledi.

«Respýblıkada koronavırýs ınfeksııasyna qarsy úsh vaksına bar. Jalpy 2,3 mln doza ekpe qamtamasyz etildi. KVI boıynsha turaqty epıdemıologııalyq jaǵdaıdy qamtamasyz etý úshin tıisti jumystar atqarylyp jatyr. Ásirese, koronavırýs aýrýy boıynsha joǵary táýekel tobyna kiretin adamdar revaksınasııadan ótkeni durys», delingen habarlamada.

Sońǵy jańalyqtar

Uqsas jańalyqtar