Qostanaı oblysynda 2 jasóspirim óz-ózine qol saldy

QOSTANAI. 26 sáýir. Qostanaı oblysy Arqalyq qalasynda eki kúnniń ishinde 8 jáne 9-synypta oqıtyn qyzdar ózderine qol jumsady. Olardyń bireýi aman qalsa, ekinshisi qaıtys boldy. Bul týraly Nur.kz habarlady. 8-synyp oqýshysy 5 qabatty úıdiń balkonynan sekirip, qýanyshqa oraı, aman qaldy. Al 9-synypta oqıtyn qyz óz úıiniń jýynatyn bólmesinde asylyp, qaza tapty. Arqalyq qalalyq ishki ister basqarmasy ókiliniń sózine qaraǵanda, eki jasóspirim de dáýletti otbasylardyń perzentteri. 5-qabattan sekirip, aman qalǵan qyz aýrýhanada esin jıyp, tilge kelgen. Ol mundaı qadamǵa barýyna ata-anasynyń ózine kóńil bólmeı, balalaryna alalap qaraıtyny túrtki bolǵanyn aıtqan. Al óz úıinde asylyp ólgen qyzdyń qazasynyń sebebi túsiniksiz bolyp tur. Marqum bir japyraq qaǵazǵa «Meniń ólimime eshkim kináli emes», – dep jazyp ketipti. Qyzdyń synyptastary men ustazdary onyń aldyńǵy qatarly oqýshy ári mekteptiń maqtanyshy bolǵanyn aıtýda. Joldybaı Bazar. Derekkóz: Nur.kz. Foto: Trud.ru.