Koronavırýs • 01 Shilde, 2022

«Sary» aımaqqa kirgen jaǵdaıda karantın kúsheıtiledi

77 ret kórsetildi

Búgin Premer-Mınıstrdiń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýs ınfeksııasy taralýynyń aldyn alý jónindegi vedomstvoaralyq komıssııanyń otyrysy ótti, dep habarlaıdy Egemen.kz.

Komıssııa jumysyna ortalyq memlekettik organdardyń ókilderi, oblys ákimderi men «Atameken» UKP qyzmetkerleri qatysty.

Densaýlyq saqtaý mınıstri Ajar Ǵınııat elimizde maýsym aıynyń ortasynan bastap koronavırýs ınfeksııasyn juqtyrǵanyndar sanynyń artqanyn atap ótti.

О́tken aptamen salystarǵanda vırýs juqtyrý jaǵdaılary 2,9 ese artqan, naýqastardyń 80%-na jýyǵy – indetke qarsy ekpe almaǵandar jáne sońǵy ekpeden keıin 6 aı ótip ketken adamdar.

2207011346024741g.jpg

Eldegi COVID-19 kórsetkishteriniń artýyn eskere otyryp, Qazaqstan aýmaǵynda koronavırýs ınfeksııasynyń taralýyna jol bermeý jónindegi vedomstvoaralyq komıssııa óńirler epıdemıologııalyq qaýip-qaterdiń sary aımaǵyna kóshken jaǵdaıda tómendegi qosymsha sharalardy qabyldaý kerektigi týraly sheshim qabyldady:

Naýqaspen tyǵyz qarym-qatynasta bolǵandardy qashyqtan jumys isteý formatyna kóshirý;

COVID-19-ǵa qarsy ekpe saldyrýǵa bolmaıtyn qyzmetkerler men júkti áıelderdi qashyqtan jumys isteý formatyna aýystyrý;

Jabyq jerler men qoǵamdyq kólikte mindetti túrde maska taǵý;

10-nan astam adam qatysatyn jınalystardy onlaın formatta ótkizýdi usyný.

Sondaı-aq aımaqtyń epıdemıologııalyq ahýalyna qaramastan, áýede, TJ kólikteri men halyqaralyq avtobýstarda maska taǵý usynylady.

Otyrys sońynda Eraly Toǵjanov oblys ákimderine koronavırýs ınfeksııasyna qarsy egý naýqanyn kúsheıtýdi, syrqattanǵandar kóbeıgen jaǵdaıda kadrlarmen, dári-dármek qory jáne tósek oryndarymen qamtamasyz etýdi erekshe baqylaýǵa alýdy tapsyrdy. Sondaı-aq halyq arasynda sapaly túsindirý jumystaryn kúsheıtý qajettigin eskertti.

Sońǵy jańalyqtar

Uqsas jańalyqtar