Oqıǵa • 01 Shilde, 2022

О́skemende 4,3 mln teńge jymqyrǵan esepshi ustaldy

63 ret kórsetildi

О́skemen qalasynda 4,3 mln teńge jymqyrǵan esepshi ustaldy, dep habarlaıdy Egemen.kz.

ShQO polısııa departamenti baspasóz qyzmetiniń málimetine súıensek, «102» jedel arnasyna qaladaǵy JShS-lardyń biriniń basshysy habarlasty. О́z sózinde ol kásiporynnyń burynǵy esepshisi paıda tabý maqsatta qyzmettik jaǵdaıyn paıdalanyp, aqsha jymqyrǵanyn jetkizdi.

«Sonyń saldarynan JShS-ǵa 4 300 000 teńgeden astam materıaldyq zalal keltirilgen. Jedel-izdestirý sharalaryn júrgizgen krımınaldyq polısııa qyzmetkerleri 31 jastaǵy kúdiktini ustady. Jaýap alý kezinde áıel adam óz kinásin moıyndady», dep habarlady vedomstvo ókilderi.

Qazirgi ýaqytta ol qolhatpen bosatyldy.

Atalǵan fakti boıynsha QR QK-niń 189-baby 2-bóligine (senip tapsyrylǵan bóten múlikti ıemdený nemese ysyrap etý) sáıkes sotqa deıingi tergeý amaldary júrgizilip jatyr.

Uqsas jańalyqtar