Qostanaı oblysynyń gımni paıda boldy

QOSTANAI. 28 sáýir. Budan birneshe jyl buryn Qostanaı oblysynyń emblemasy jasalǵan edi. Endi oblystyń óz gımni de paıda boldy. Bul týraly egemen.kz tilshisi habarlady. Tobyl óńiri turǵyndarynyń gımniniń mýzykasyn belgili kompozıtor Keńes Dúısekeev jazǵan bolsa, sózin aqyn Serik Turǵynbekov qaǵazǵa túsirdi. Bir aıta keterligi, Keńes Dúısekeev sońǵy alty jyl boıy qatarynan Qostanaıda ótip júrgen jas talanttardyń «Zolotoı mıkrofon» halyqaralyq án baıqaýynda qazylar alqasynyń tóraǵasy bolyp keledi. -Qostanaı - qazaqtyń eń bir shuraıly, halqymyzdyń daralaryn bergen  topyraǵy  qunarly óńir. Bul jer maǵan da jat emes, qazaqtyń qaı jerinde  týǵan jerimdeı kóremin. О́tken jyly oblys ákimi Nuraly Sádýaqasov: «Oblystyń gımnin jazyp berseńiz» degen ótinish bildirgen. Biraq ýáde bergen joq edim, óıtkeni ol - ýádeniń emes, shyǵarmashylyqtyń isi. Degenmen, bıyl aqyn Serik Turǵynbekov ekeýmiz gımndi jazyp shyqtyq. Eń bastysy ony –oblystyń, elimizdiń bolashaǵy –balalar oryndady,- deıdi Keńes Dúısekeev. Kompozıtor sońǵy úsh jyl boıy «Zolotoı mıkrofonǵa» óziniń jańa ánderin ákelip júr. Alǵashqyda «Nur tulǵa», byltyr «Altyn besik--Astanam» degen ánderiniń Qostanaıda tusaýy kesildi. Bıyl halyqaralyq baıqaý Keńes aǵa jazǵan oblys gımnimen aıaqtaldy. Názıra Járimbetova. Derekkóz: egemen.kz. Foto: showdesign.kz.