Týrızm • 07 Shilde, 2022

TravelKazakhstan respýblıkalyq kampanııasy qorytyndylandy

45 ret kórsetildi

Zamanyna saı saz kerek degendeı, dál osyndaı ádispen el týrızmin nasıhattaý, ulan-baıtaq dalamyzdyń óz otandastarymyz da áli kórmegen sulýlyǵyn jarnamalaý birinshi ret qolǵa alynyp otyr desek te bolady.

Mádenıet jáne sport mınıstrliginiń qoldaýymen Kazakh Tourism ulttyq kompanııasy qysqa beınerolıkterdi qaraý men jasaýǵa ábden tóselgen TikTok platformasymen birge TravelKazakhstan respýblıkalyq kampanııasyn qorytyndylady.

Kampanııa barysynda áıgili adamdar men tanymal kontent avtorlary kásibı gıdtermen birge Qazaqstannyń úsh óńirinen tikeleı efır júrgizip, óz eliniń týrıstik áleýeti týraly áńgimeleıtin qysqa beınerolıkter jasady. Osylaısha joba jeńimpazdary, ıaǵnı eń kórkem beınerolıkterdiń avtorlary anyqtalyp, baǵaly syılyqtarǵa ıe bolyp, Kazakh Tourism-niń TikTok-tegi akkaýntynyń júrgizýshileri qataryna qosyldy.

Saıahat taqyryby – qazirdiń ózinde 87 mıllıardtan astam qaralym jınaǵan, TikTok qoldanýshylary arasynda eń súıikti taqyryptardyń biri #travel heshtegimen qysqa beınebaıandar arqyly týrıst retindegi óz áserlerimen, usynystarymen bólisý.

TikTok pen «Kazakh Tourism» UK» AQ-nyń birlesken alǵashqy bastamasy ulan-baıtaq elimizdiń kópshilikke tanymal emes sulý ólkelerin tanytýdy kózdeıdi, beınerolıkter formatynda platformanyń mıllıondaǵan aýdıtorııasymen bólisýge shabyttandyrdy.

Jıyrma kún ishinde Qazaqstannyń túkpir-túkpirinen kelgen kontent qoldanýshylary qazaq saıahaty týraly keńesteri bar kreatıvti jáne tanymdyq rolıkter jasap, jarııalady. Ulttyq taǵamdardyń tańsyq mázirlerimen bólisip, eń ádemi jerlerdi kórsetýge umtyldy. Jáne IýNESKO tizimine engen ulttyq tabıǵı parkter men dala, tarıhı oryndar, sáýlet jáne tabıǵı eskertkishter, qyzyqty qalalyq oryndardy nasıhattady.

Tolaıym alǵanda platforma qoldanýshylarynyń #TravelKazakhstan heshtegimen jarııalanǵan 2800-deı beınerolıkter qaralymy 11 mıllıonnan asady.

«Biz qazaqstandyqtardyń óz eliniń kórikti jerleri týraly jaqsy bilýi, ony maqtan tutyp,  búkil álemge aıtý múmkindigine ıe bolýy úshin jumys isteımiz. Qazaqstanda taýlar, dala, ormandar, Mańǵystaýdyń ǵaryshtyq landshafttaryna deıin bar – munda óz tili men dástúrin saqtaǵan júzden astam ult ókilderi turady. Bizdiń TikTok platformasymen birlesken jobamyz elimizdiń týrıstik baǵyttary týraly paıdalanýshy jasaǵan kontentti yntalandyrýǵa múmkindik berdi. TikTok - bul belsendi jáne kreatıvti adamdardy tartýǵa, sonymen qatar týrızm men saıahat týraly kontentti tanymal etýge arnalǵan tamasha alań. #TravelKazakhstan naýqanynyń nátıjeleri bizdiń kútkenimizden de asyp tústi jáne biz yntymaqtastyqty jalǵastyrýǵa nıettimiz», deıdi «Kazakh Tourism» UK» AQ Basqarma tóraǵasy Talǵat Amanbaev.

«Qazaqstan – tabıǵat sulýlyǵyna, mádenı mura men daryndy adamdarǵa baı el. Osy kampanııanyń arqasynda álemdegi talaı adamnyń Qazaqstandy mańyzdy jáne qyzyqty týrıstik baǵyt retinde kórip, qazaqstandyqtardyń da óz eline kóbirek saıahattaýǵa jáne TikTok-ta usynymdarymen bólisýge shabyt aldy dep úmittenemin. Jobaǵa paıdalanýshylardyń kóptep tartylýy Qazaqstandaǵy ishki týrızm taqyrybyna úlken qyzyǵýshylyqty bildiredi. Biz bul baǵytty qoldaýdy jalǵastyrýdy josparlap otyrmyz jáne TikTok-ta trevel-kontenttiń jańa avtorlaryn kórýge qýanyshtymyz», dedi osy baıqaýǵa serpin bergen TikTok kompanııasynyń aǵa operasııalyq menedjeri Nadejda Lapına.

Sonymen jobaǵa qatysýshylar arasynda eń kreatıvti beınerolıkter jasaǵan úsh jeńimpazdyń esimi anyqtalyp, júlde retinde avtorlar DJI Mini2 kvadrokopterlerin ıelenip, alǵashqy eki júldeli oryn avtorlary TikTok-ta Kazakh Tourism resmı akkaýntynyń jetekshisine aınaldy.

Birinshi oryndy jeńip alǵan Áset Myrzabaev jubaıy Muhabbatpen birge Qazaqstanǵa, sondaı-aq álemniń basqa elderine saıahat týraly beınerolıkter jasap, 450 myńnan astam jazylýshy jınaǵan. #TravelKazakhstan aıasynda Áset altybaqannyń ne ekenin aıtyp, Ile-Alataý ulttyq parkindegi zamanaýı vızıt-ortalyqty, qazaqstandyq Shveısarııany kórsetti, Qaıyńdy kóliniń túrlerimen qus ushatyn bıiktikten bólisti.

Ekinshi oryndy ıelengen Aıgerim Telbasy nebári 21 jasta bolsa da, ózin trevel-ınflıýenser retinde tamasha qyrynan tanytyp, elimizdiń eń ádemi týrıstik oryndarynyń biri – Bozjyra shatqaly, Qaıyńdy kóli týraly túrli-tústi beıneler túsirip úlgerdi. Ol sondaı-aq ejelgi Túrkistan týraly shaǵyn fılm jasap, Almaty mańyndaǵy Assy ústirtine qalaı jetýge bolatynyn egjeı-tegjeıli aıtyp, Kaspıı teńizindegi kúnniń batýyn kórsetti.

Úshinshi orynǵa laıyqty dep tanylǵan Azamat Jaqııanov beınerolıkterinde týǵan ólkesiniń tarıhyn baıandaıtyn gıd retinde kórinip, ulttyń rýhanı astanasy – Ulytaýdy aralap, dala sulýlyǵy men Joshy han kesenesin jarnamalaıdy.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar