О́ńirde medısına salasyn damytý úshin shetelden zamanaýı jabdyqtar satyp alynyp, aq halattylar Eýropa elderine biliktilikterin arttyrýǵa attanyp jatyr. Otandyq medısınalyq óndiris te nazardan tys qalmaǵan.
Shyǵys Qazaqstanda hırýrgııalyq qural-saımandar shyǵarý kózdelýde. Bul úshin О́skemendegi D.Serikbaev atyndaǵy ShQTÝ men Semeı medısınalyq ýnıversıteti kelisimge kelip otyr.
«Medısınalyq ýnıversıtettiń tıisti patenti bar. Olar bizge habarlasyp, osyndaı joba usyndy. Hırýrgııalyq ota jasaıtyn qural-saımandar jasaý josparlanǵan. Biraq ol úshin tıisti jabdyqtar qajet. Qazir eki ýnıversıtet aqyldasyp, atqarylatyn jumys algorıtmin quryp jatyrmyz. Sodan keıin qarjy bóletin ınvestor izdeımiz», dedi D.Serikbaev atyndaǵy ShQTÝ QEAQ basqarma tóraǵasy - rektorynyń mindetin atqarýshy Sáýle Rahmetýllına.
