Oqıǵa 16 shilde kúni saǵat 08:56-da Taldyqorǵan qalasy Kóktem shaǵyn aýdanyndaǵy kóppáterli turǵyn úıde boldy.
«Oqıǵa ornyna TJD, gaz qyzmeti, jedel medısınalyq kómek jáne polısııa bólimsheleri jiberildi. TJD qyzmetkerleri kóp páterli turǵyn úıdi aralaý barysynda gazdyń ıisi altynshy qabattaǵy páterden shyǵyp turǵanyn anyqtady. Biraq páterdiń esigin eshkim ashpady. Gazdyń taralýyn toqtatý maqsatynda TJD qyzmetkerleri páterge balkon arqyly kirý týraly sheshim qabyldady. Páter ishindegi tósekte 1985 jyly týǵan er adam jatqan. Ol qutqarylyp, tabıǵı gazben ýlaný belgileri bar ekeni baıqalǵan soń jedel medısınalyq járdem qyzmetkerlerine tapsyryldy. Ári qaraı Taldyqorǵan qalasynyń medısınalyq mekemesine jatqyzyldy», delingen oblystyq Tótenshe jaǵdaılar departamentiniń baspasóz qyzmeti taratqan habarlamada.
Vedomstvonyń aqparatyna sáıkes, páter ishin tekserý kezinde tabıǵı gaz shúmegi sál ashylyp turǵany anyqtalǵan.
