ShQO Polısııa departamenti baspasóz qyzmetiniń málimetine súıensek, tártip saqshylary zańsyz qarý-jaraq aınalymyna tosqaýyl qoıý maqsatynda birqatar sharany qolǵa alǵan. Sonyń nátıjesinde, jyl basynan beri 121 atys qarýy tárkilendi. Onyń ishinde 16 oıyq, 82 tegis uńǵyly qarý, 16 sholaq myltyq, 7 tapansha, 2 granata jáne 1488 oq-dári bar.
«Máselen, Buqtyrma sý qoımasy jaǵalaýynda ornalasqan demalys bazalarynyń birinde jedel-izdestirý sharalaryn júrgizý kezinde О́skemen qalasynyń 31 jastaǵy turǵynynan travmatıkalyq tapanshaǵa uqsas zat tabyldy. Saraptama kórsetkendeı, bul 18h45 mm kalıbrli «OSA» kesheniniń PB-4-1 ML úlgisindegi tapanshasy. Qarý jaryq, shý jáne jaraqat salatyn patrondarmen atý úshin jaramdy», delingen aqparatta.
Jaýap alý kezinde ustalǵan azamat qarýdy oǵan mas kúıde bolǵan 29 jastaǵy dosy bergenin aıtty. Kóp uzamaı polıseıler ony tapty. Tekserý barysynda kúdiktiniń buryn birneshe ret sottalǵany anyqtaldy. Ol óz kinásin moıyndap otyr.
Atalǵan fakti boıynsha QR QK-niń 287-baby 2-bóligine sáıkes sotqa deıingi tergeý amaldary bastaldy. Osy baptyń sanksııasy boıynsha er adam 2 jylǵa deıingi merzimge bas bostandyǵynan aıyrylýy múmkin.
