Vedomstvonyń baspasóz qyzmeti habarlaǵandaı, komıssııa jeke tulǵalarǵa negizsiz artyqshylyqtar týdyratyn jaǵdaılardy anyqtaý maqsatynda kelesi taldaý jumystaryn júrgizedi:
- Joǵary marjınaldy memlekettik aktıvterdi jekeshelendirý jáne satyp alý.
- Ekonomıkanyń sektorlarynda, onyń ishinde satyp alý salasynda ústeme kiristerdi generasııalaýǵa múmkindik beretin básekelestikti joıý nemese shekteý.
- Jer qoınaýyn paıdalaný, aýyr ónerkásip, qarjy sektory, qurylys jáne ekonomıkanyń basqa da salalaryndaǵy jekelegen kompanııalardyń memleket múddelerine zalal keltire otyryp, jeńildikti salyq salý, tarıftik saıasat jáne ózge de artyqshylyqtardy engizý arqyly kiristiligin ulǵaıtý.
Budan basqa, komıssııa jumysynyń barysy týraly halyqty jedel habardar etý úshin arnaıy veb-saıt qurý týraly sheshim qabyldandy.
«Bul jumysqa jurtshylyqty tartý úshin saıtta arnaıy bólim qurý josparlanýda, ol arqyly árbir adam komıssııa qyzmetiniń máseleleri boıynsha habarlama jibere alady», delingen vedomstvo habarlamasynda.
