Alaıda mindettelgen kitaptar tizimi nemese «Kitap oqıyq» degen sıpattaǵy naýqandyq aksııalar arqyly búkil balanyń oqýǵa degen yntasy birden artyp ketýi ekitalaı. Bul jerde muǵalim men oqýshy, ata-ana men bala arasyndaǵy túrli yntalandyrý, qyzyqtyrý tásilderi, keı jaǵdaılarda májbúrli yntalandyrý amaldary da qajet.
Sondaı májbúrli qyzyqtyrýdyń (yntalandyrýdyń) bir joly muǵalimniń oqýshylarǵa ózderi tańdaǵan taqyryptar boıynsha zertteý sıpatyndaǵy jobalardy kóbirek usynýy bolar edi dep bilemiz. О́ıtkeni, muǵalimnen tapsyrma retinde bir taqyrypty alyp, ony zertteýge úńilgen balanyń ol másele jóninde kóbirek izdenýine týra keledi. Muǵalimnen, ata-anasynan suraıdy, izdenedi. Osy kezde durys qoldaý kórsetilse, qajetti kitaptarǵa, resýrstarǵa baǵyt-baǵdar berilse, izdenis barysynda anyqtalǵan jaıttar balany qyzyqtyrý múmkin. Sóıtip qyzyqqan taqyryp jóninde qalaı tereńirek bilýge bolatynyna kózi jetip, oqýǵa degen qushtarlyǵy da oıanady. Iаǵnı, kitap oqýǵa degen yntasyn ǵylymı zertteýge degen qyzyǵýshylyǵy arqyly oıatýǵa bolady. Biz buǵan elimizdiń birqatar óńirlerinde «Oqýǵa qushtar mektep» jobasyn qoldaý maqsatynda semınar-trenıngter ótkizgen kezimizde naqty kóz jetkizdik. Atalǵan semınarlar muǵalimder men oqýshylarǵa álemdik deńgeıdegi ǵylymı-tanymdyq, zertteý resýrstaryn oqý prosesinde, ǵylymı jobalar ázirleýde qalaı durys qoldanýǵa bolatynyn naqty mysaldarmen kórsetýge baǵyttalǵan edi. Soǵan oraı muǵalimdermen qatar, oqýshylardyń da zor qyzyǵýshylyǵyn týdyrdy. Biraq ókinishke qaraı, aýyl mektepteriniń qazirgi zamanǵy foto-beıne túsirilimderge súıengen, álemdik deńgeıdegi ǵylymı-zertteýlerdi usynatyn resýrstar qoljetimsiz. Kópshiligi ondaı resýrstar bar ekendiginen de beıhabar.
Osy rette, bir máseleni de aıtpaı ketýge bolmas. О́ńirlerdegi otandyq kásiporyndardyń kópshiligi qazir bıznestiń áleýmettik jaýapkershiligi aıasynda balabaqsha, sport keshenin salý nemese balalardy qydyrtý sııaqty túrli is-sharalarǵa qarjy jumsap jatady. Biraq dál osy aýyldyq mektepterge qajetti bilim resýrstaryn, kerekti kitap-jýrnaldardy qoljetimdi etý isine kóńil bóletinderi joqtyń qasynda. Biletinimiz, Prezıdenttiń «Oqýǵa qushtar mektep» bastamasyn «Teńizshevroıl» kompanııasynyń qoldap, Atyraý qalasy men Atyraý oblysy Jyloı aýdany mektepterin merzimdi basylymdarǵa, sonyń ishinde National Geographic jýrnalyna jazylýyna demeýshilik etkeni. Atalǵan kompanııanyń osy isi ózge kásiporyndarǵa da úlgi bolyp, bıznestiń áleýmettik jaýapkershiligi aıasyndaǵy ınvestısııalaryn aýyl mektepteriniń bilim sapasyn kóteretin is-sharalarǵa baǵyttasa, nur ústine nur bolar edi dep oılaımyz.
Orazaly Kárimbaı
sarapshy
