«Qazaqstanda 1,6 mln-nan astam shaǵyn jáne orta bıznes sýbektileri bar. Olardyń barlyǵy el ekonomıkasynyń damýyna eleýli úles qosýda. Ásirese, sońǵy eki jyl qıyn boldy. Pandemııa qysqartýǵa, ońtaılandyrýǵa, basqarý modelderin, bıznes formattaryn ózgertýge májbúr etti. Osyǵan baılanysty jańa merekelik kún - Qazaqstan kásipkerleri kúnin 9 qyrkúıekke bekitý usynylady. Qazaqstan kásipkerleri kúnin engizý júzdegen myń qazaqstandyq úshin shyn máninde ózekti jáne mańyzdy.
Sonymen qatar qazirgi ýaqytta jarnama salasynyń mamandary tanymal. Olar áleýmettik belsendilik pen kásipkerliktiń damýyna úlken úles qosyp júr. Búginde Qazaqstanda 2000-ǵa jýyq jarnama uıymy jumys isteıdi. Olarda shamamen 100 000 maman eńbek etedi. Sondyqtan jańa kásibı merekeni «Jarnama týraly» Zańnyń qabyldanǵan kúnine oraılastyrý usynylady», delingen Úkimet qaýlysynda.
Sondaı-aq qaýlyda atalǵan merekelerdi bekitý - Táýelsizdiktiń 30 jyldyǵy qarsańynda uıymdastyrylyp otyrǵany jazylǵan.
