23 shilde kúni keshki saǵat jetiler shamasynda ádettegideı aýlaǵa shyqqan úsh jasar Ádilhan joǵalyp ketken. Ákesi túngi saǵat on birlerde polısııaǵa aryzdanyp, izdeý jumystary bastalǵan. Oqıǵa Ulan aýdany, Tavrııa aýylynda bolǵan.
Áýelde ózderi mańaıdan izdep kórgen. Nátıje bolmaǵan soń balanyń ákesi polısııaǵa habarlaǵan.
Quzyrly organdarǵa habar túse sala polıseıler, Ulttyq ulannyń áskerı qyzmetkerleri, atty polısııa, TJD qyzmetkerleri, eriktiler jumyldyryldy. Uzyn sany 621 adam úsh jasar balany izdeýge shyqty. Mamandar aýyl aýmaǵyn 16 sektorǵa bólip, ózderiniń ádis-tásilderimen izdedi. Aspanǵa kvadrokopterler kóterip kórdi. Aınalany tikushaqpen de tintip shyqty. Túk shyqpady. Balanyń keskin-kelbetin sýrettep, jan-jaqqa habarlandyrýlar taratyldy. Tek, kelesi kúni ǵana izdestirý jumystarynyń nátıjesinde krımınaldyq polısııa qyzmetkeri Aıdar Dúısenbaev 3 jasar Ádilhan Seısembaıdy turǵylyqty jerinen 3 shaqyrym jerden tapqan. Bala din-aman. Ata-anasy kómek kórsetken barlyq azamattarǵa alǵystaryn jaýdyrdy.
