«Kartoptyń ishki naryqtaǵy aılyq qajettiligi - 152,7 myń tonna. Ákimdikterdiń aqparaty boıynsha, búgingi tańda kartop qory 124,9 myń tonna bolady. Maýsym aıynan bastap erte pisetin kartop jınalyp jatyr. Onyń jalpy kólemi 270,9 myń tonnaǵa jetti. Tamyzdyń birinshi jartysynda 7,8 myń tonna kartop jınaý josparlanǵan. Bul ishki naryqty toltyrýǵa jáne kartop baǵasynyń turaqtanýyna yqpal etti. Osy aıdyń basynan beri kartoptyń baǵasy 5%-ǵa tómendedi. Qyrkúıekten bastap kúzgi kartopty jınaý bastalady, onyń kólemi 4 mln tonnadan asady dep kútilýde. Bul ishki naryqtyń qajettiligin tolyq qamtamasyz etedi. Belgili bir kólemdi eksportqa jóneltýge múmkindik beredi», dedi mınıstr ortalyq kommýnıkasııalar qyzmetinde ótken brıfıngide.
Vedomstvo basshysynyń aıtýynsha, qyryqqabat pen sábiz naryǵynda jaǵdaı turaqty.
«Erte pisetin qyryqqabat pen sábiz kólemi kúzgi egin jınaǵanǵa deıin ishki naryqty qamtamasyz etýge jetkilikti. Tamyzdyń sońǵy onkúndiginen bastap kókónis ónimderiniń kúzgi ónimi naryqqa shyǵady dep kútilýde», dedi vedomstvo basshysy.
