Matchqa arnaıy nıderlandtyq maman Arno Paıpers keledi. Budan bólek, atalǵan kezdesýge madrıdtik «Real» men mılandyq «Interdiń» eks-oıynshysy Esteban Kambıasso qatysady.
Fınaldyq irikteýdiń jeńimpazdary bir aı boıy Talǵardaǵy ulttyq quramanyń bazasynda daıyndyq jasap jatyr. Ár apta saıyn jigitter joldastyq kezdesýlerdi ótkizýde. Olar úshin bala kezdegi kýmırlerine qarsy oınaý naǵyz emtıhan bolmaq. Joba Freedom Broker ınvestısııalyq kompanııasynyń qarjylyq kómegimen jáne QR Prezıdenti janyndaǵy Dara daryndylardy qoldaý qorynyń bastamasymen júrgizilýde.
Qazaqstannyń ańyzdar quramasynda alańǵa Samat Smaqov, Davıd Lorııa, Nurbol Jumasqalıev, Andreı Karpovıch, aǵaıyndy Azovskııler, Farhadbek Irısmetov, Dmıtrıı Bıakov, Aleksandr Kýchma, Maksım Jalmagambetov, Qaırat Áshirbekov, Danııar Muqanov, Sergeı Boıchenko, Iýrıı Novıkov, Igor Soloshenko, Rýslan Baltıev, Edýard Sergıenko jáne de ulttyq quramanyń 2006-2008 jylǵy basqa da oıynshylary shyǵady.
Burynǵydaǵydaı, ardagerlerdiń bas bapkeri Arno Paıpers bolsa, matchtyń shoq juldyzy, madrıdtik «Real» men mılandyq «Interdiń» eks-oıynshysy Esteban Kambıasso bolmaq. Ol Qazaqstannyń juldyzdar quramasynda óner kórsetedi.
Match Qazsport arnasynda tikeleı efırde kórsetiledi.
Budan bólek, match áleýmettik turǵydan erekshelenbek. Bıletterden túsken qarjy qaıyrylymdylyqqa jumsalady.
