«Elordalyq Kólik jáne jol-kólik ınfraqurylymyn damytý basqarmasy qalalyq PD ákimshilik polısııa basqarmasymen kelise otyryp, Máńgilik El dańǵylyndaǵy jol tósemin jóndeýdi bastaıdy.
Jóndeý jumystarynyń júrgizilýine baılanysty 5-8 tamyz aralyǵynda Máńgilik El dańǵylynyń Almaty kóshesinen Orynbor kóshesine deıingi bóliginde avtokólik quraldarynyń qozǵalysy tolyǵymen jabylady. Sonymen qatar 8-12 tamyz aralyǵynda Orynbor kóshesinen Buqar Jyraý kóshesine deıingi ýchaskede dańǵyl tolyǵymen jabylady», delingen habarlamada.
Elorda ákimdigi keltirilgen qolaısyzdyqtar úshin keshirim surady.
«Elorda turǵyndary men qonaqtary qala joldarynda keptelis týdyrmaý úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryna túsinikpen qaraýdy suraımyz», delingen kólik basqarmasy habarlamasynda.
