«Jambyl aýylynda joǵalyp ketken bes jasar qyzdy izdeý jumystary tikushaq arqyly júrgizilýde. Dál osy ýaqytta biz qyzdyń anasymen aýmaqty aınalyp sholyp júrmiz», dedi Qostanaı oblysy IID polısııa basqarmasynyń bastyǵy Erlan Omarbekov Facebook jelisindegi paraqshasynda.
Sonymen qatar ol izdeý jumystaryna atsalysyp jatqan erikti azamattar baryn aıtty.
«Birinshi mınýttan-aq eriktiler, aýyl turǵyndary, jaı ǵana qamqor adamdar polıseılerge kómek kórsetip jatyr. Bul úshin sizderge eń aldymen áke retinde alǵys aıtamyn. Búgin bárimiz bala úshin alańdaýlymyz. Biz ony tabý úshin bar kúshimizdi salamyz. Izdestirý jumystarynyń barysy týraly habarlap otyramyn», dedi E.Omarbekov.
