Qarjy • 08 Tamyz, 2022

Baǵa baqylanady

276 ret kórsetildi

Qazaqstan naryqtyq ekonomıkaly el degenimen, memleket báribir baǵa saıasatyna aralasýǵa májbúr. Jaqynda memleket áleýmettik mańyzy bar azyq-túlik taýarlaryna (ÁMAT) bólshek saýda baǵalaryn baqylaýdy engizdi. Onyń maqsaty – ádil jáne boljamdy baǵa belgileýdi qamtamasyz etý.

Aldymen ÁMAT tizimin atap óteıik. Olar – 1-surypty un, 1-su­rypty unnan jasalǵan nan, tútik kespe (ólshenip satylatyn), qara­qumyq (ólshenip satylatyn), kúrish (ólshenip satylatyn), kartop, sábiz, pııaz, qyryqqabat, qumsheker, kún­­baǵys maıy, sıyr eti (sú­ıek­­teri bar jaýyryn-tós bó­ligi), taýyq eti (san jáne ji­lin­shik súıegi), jumsaq qap­ta­madaǵy sút (maılylyǵy 2,5%), jumsaq qaptamadaǵy aı­­ran (maı­lylyǵy 2,5%), sary maı (tuzdal­maǵan, maı­lylyǵy ke­minde 72,5%), taýyq ju­myrt­qasy (I sanaty), as tuzy («Ekstra»-dan basqa) jáne súz­be (maılylyǵy 5-9%).

Saýda jáne ıntegrasııa mı­nıs­trliginiń habarlaýynsha, shek­ti saýda ústemesiniń ruqsat etil­gen mólsheri óndirýshiniń satý baǵasynyń nemese kóterme saýda jetkizýshiniń satyp alý baǵa­synyń 15%-ynan aspaıdy. 15%-dan asyp ketse, ákimshilik quqyq buzýshylyq kodeksiniń 204-4-baby negizinde ákimshilik jaýapkershilikke tartylady.

ÁMAT baǵasynyń negizsiz ósýine jol bermeý maqsatynda Saý­da komıteti «úı janyndaǵy» dúken­derdegi saýda ústemesin baqylaý boıynsha ákimdikterdi úılestirýdi júzege asyrmaq. Keıingi aptada júrgizilgen reıd kezinde 40,3 myń «úı janyndaǵy» dúken qamtylyp, onda 734 saýda ústemesin buzý­shy­lyq anyqtalǵan.

«Eń kóp buzýshylyq Nur-Sul­tan qalasynda (278) jáne Shyǵys Qazaqstan oblysynda (80) anyqtaldy. Odan ári Túr­kistan oblysynda (38), Batys Qazaqstan oblysynda (33), Qostanaı oblysynda jáne Mań­ǵystaý oblysynda (32-den), Jeti­sý oblysynda (30) baǵany negiz­siz ósirgen. Túsindirý júrgizý nátı­jesinde saýda obektileri ÁMAT-qa saý­da ústemelerin 5-15%-ǵa deıin tó­men­detti. Bul rette saýda ústemesin asyra paıdalanǵany úshin ákimshilik sıpattaǵy sharalar qoldanyldy, ishki saýda sýbektilerine qatysty eskertý túrinde 126 ákimshilik hattama toltyryldy, 1 aıyppul salyndy», delingen saýda komıtetiniń habarlamasynda.

Saýda komıtetinde atap ót­ken­deı, tekserister iri qalalar men oblys ortalyqtary, sondaı-aq aýdan ortalyqtarynda da júr­gizilmek. Monıtorıngtik top­tardyń qura­myna qoǵamdyq uıym­dar men par­tııalardyń ókil­deri de kiredi.

Sońǵy jańalyqtar

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar