2021 jyldyń tıisti toqsanyna qaraǵanda ósim 24%-dy, naqty mánde – 8,9%-dy qurady. Jalaqynyń medıanalyq máni (jalaqy qatarynyń ortalyq deńgeıi) 2022 jylǵy II toqsanda baǵalaý boıynsha 196 728 teńgeni qurap otyr.
Bıýronyń málimetinshe, jalaqynyń ósýi barlyq qyzmet túrlerinde baıqalǵan. 2021 jylǵa tıisti toqsanmen salystyrǵanda eń joǵary ósim – qurylys – 35,5%-ǵa, kólik pen qoımalaý – 34,8%-ǵa, taý-ken óndirý ónerkásibi jáne karerlerdi qazý – 28,3%-ǵa salalarynda baıqalady, baıaý qarqyn densaýlyq saqtaý jáne halyqqa áleýmettik qyzmet kórsetý salalarynda – 12,1%-ǵa jáne kórsetiletin qyzmetterdiń ózge de túrlerin usynýda – 3,9%-dy qurap otyr.
«Ortasha aılyq jalaqy týraly derekter kásiporyndardyń toqsan saıynǵy statıstıkalyq esebi negizinde esepteledi. Ortasha mán qosymsha aqylardy, ústemaqylardy, syıaqylardy, sondaı-aq salyq pen basqa da ustalymdardy (tabys salyǵy, mindetti zeınetaqy jarnalaryn) esepke ala otyryp qalyptastyrylady. Medıana jalaqysy – eseptelgen jalaqy mólsheri boıynsha qyzmetkerler sanyn bólgendegi qatardyń teń ortasynda turǵan jáne sol mólsherdi ekige bóletin (odan kóp jáne az) jalaqy mólsheri», dep túsindirdi Ulttyq statıstıka bıýrosy Eńbek jáne turmys deńgeıi statıstıkasy departamentiniń dırektory Natalıa Belonosova.
