Endi tártip saqshylary men eriktiler balanyń minez-qulqyndaǵy ereksheligin eskerip, izdestirýdi tynysh rejımde júrgizip jatyr.
«Izdeý sharalarynyń taktıkasy mamandar usynysy negizinde ózgertildi. Izdestirý balanyń minez-qulqyndaǵy ereksheligin eskere otyryp, tynyshtyq rejıminde júrgizilip jatyr. Aýmaqty tintý baǵyty da ózgerdi. Eger buryn aýmaqty zertteý Tobyl ózeniniń boıymen júrgizilse, endi Tobyldan Jambyl aýylyna qaraı baǵyt alady. Túnde adamdy dene temperatýrasynyń jylýymen anyqtaıtyn teplovızorlar arqyly izdeý taktıkasy qoldanyldy. Tańerteń tórt baǵyt boıynsha 100 shaqyrymǵa deıingi izdeý aımaǵyn qaıta júrip ótý jumystary bastaldy», dep málim etti jergilikti quzyrly organnyń baspasóz qyzmetinen.
Eske salaıyq, keshe Qostanaı qalasynda iz-túzsiz joǵalǵan bes jasar Madına Erlanqyzyn izdeý sharalary aıasynda egistik alqaptyń ár jerine sýsyn men tamaq baılanǵan sharlar qaldyrý jóninde sheshim qabyldandy. Sondaı-aq, keshki ýaqytta egistik alqabynyń ústinen deltaplandar ushyrylady.
