Aımaq basshysy Samat Eskendirov Aqjar aýdanyndaǵy jumys saparyn Lenıngrad aýyldyq okrýginde turatyn eki qart maıdangerdiń hal-jaǵdaıyn bilýden bastady. Olarǵa Elbasy Nursultan Nazarbaevtyń Uly Jeńistiń 69 jáne 70 jyldyǵyn laıyqty atap ótýge jergilikti bılik oryndaryna arnaıy tapsyrma bergenin jetkize kelip, qos qarııaǵa óz atynan bir-bir teledıdardy syıǵa tartty.
– Jyl ótken saıyn shybyn janyn shúberekke túıip, ot pen oqtyń arasynda júrgen jaýyngerlerdiń sany azaıyp keledi. Búginde Qyzyljar óńirinde 334, Aqjar aýdanynda 5-eý ǵana qalǵan. Sondyqtan fashızmdi uıasynda talqandap, jeńis týyn jelbiretken maıdangerlerge qamqorlyq eshqashan úzilmeıdi. Onyń naqty aıǵaǵy retinde soǵysqa qatysýshylar men múgedekterge jergilikti qazynadan 57,7 mıllıon teńge mólsherinde áleýmettik kómek kórsetiletinin atap ótkim keledi. Qaıyrymdylyq senbilikterden jınalǵan qarajattan 8,6 mıllıon teńge jáne bólinedi. Sonda árqaısysy 117 500 teńge kóleminde qarjylyq qoldaýǵa ıe bolady. Budan tysqary soǵysqa qatysýshylarǵa teńestirilgen 1854 adamǵa 17,2 mıllıon teńge áleýmettik qoldaý qarastyrylyp, 9260 teńgeden beriledi, – dedi oblys ákimi.
90-dy alqymdaǵan qarııalardyń biri Júsipov Erdenbaı aqsaqal /sýrette oń jaqta/ jasynyń ulǵaıǵanyna qaramastan áli kúnge deıin salamatty ómir saltyn ustanatynyn, kúnine úsh shaqyrym jaıaý júretinin, áli kúnge deıin basymen jerge tik turý sekildi dene jattyǵýlaryn jasaıtynyn aıtsa, Imanmálik Mashrapov aqsaqal Otanymyzǵa tynyshtyq, bereke-yntymaq tilep, Prezıdentke degen shynaıy alǵysyn bildirdi.
Lenıngrad – bir kezderi aýdan ortalyǵy bolǵan eldi meken. Qazir osy attas aýyldyq okrýgtiń atyn ıelenedi. 5311 adam turady. Mádenıet nysandary, eki shaǵyn ortalyq, kásiptik-tehnıkalyq kolledj, birneshe saýda núkteleri jumys isteıdi. «Jańabaev» jeke kásipkerligine jetekshilik etetin Bekaıdar Jańabaev byltyr agrobanktiń ıesiz qalǵan ǵımaratyn qalpyna keltirip, keshendi saýda ortalyǵyna aınaldyrypty. Ol úshin «Bıznestiń jol kartasy-2020» baǵdarlamasy sheńberinde jeńildikti nesıe alyp, 25 adamǵa turaqty jumys taýyp bergen. Munda naýbaıhana, kondıter sehy, aıaq-kıim jóndeý sheberhanasy ornalasqan. Jýyrda paıdalanýǵa berilgen16 páterli úı birinshi kezekte jetim balalar men jas mamandarǵa berilgen. Samat Saparbekuly 125 búldirshin tárbıelenip jatqan «Erketaı» balabaqshasyna soǵyp, tartý-taralǵy jasady. Jylyna 340 myń tonna kvars qumyn óndirýge qaýqarly «Aqtóbe Glas» fırmasynyń jumysymen tanysty.
Aýdandaǵy jumys saparynan oralysymen oblystyq ardagerler keńesiniń keńeıtilgen tóralqa májilisine qatysqan S. Eskendirov soǵys múgedekteri men ardagerlerdi tolǵantatyn máselelerdi muqııat tyńdap alǵannan keıin Uly Jeńiske daıyndyq barysy jaıly jan-jaqty habardar etti. Keshendi is-sharalarda ardagerlerdiń áleýmettik turmysyn, ómir sapasyn jaqsartý jaıyna jetkilikti kóńil aýdarylǵan. Atap aıtqanda, eski úılerde turyp jatqan qarttar úshin kelesi jyldan bastap 100 myń teńgeden járdemaqy tólenedi. «Jeńis» saıabaǵyn jańǵyrtý jalǵasyn tabady. Soǵys qaharmandaryna arnalyp stella ornatylady. Esimderi eskertkish taqtaǵa jazylady. Kóshelerge attaryn berý, ardagerler úıin salý usynystary da qoldaý tapty.
О́mir ESQALI,
«Egemen Qazaqstan».
Soltústik Qazaqstan oblysy.
Sýretti túsirgen Talǵat TÁNIBAEV.
90-dy alqymdaǵan qarııalardyń biri Júsipov Erdenbaı aqsaqal /sýrette oń jaqta/ jasynyń ulǵaıǵanyna qaramastan áli kúnge deıin salamatty ómir saltyn ustanatynyn, kúnine úsh shaqyrym jaıaý júretinin, áli kúnge deıin basymen jerge tik turý sekildi dene jattyǵýlaryn jasaıtynyn aıtsa, Imanmálik Mashrapov aqsaqal Otanymyzǵa tynyshtyq, bereke-yntymaq tilep, Prezıdentke degen shynaıy alǵysyn bildirdi.
Lenıngrad – bir kezderi aýdan ortalyǵy bolǵan eldi meken. Qazir osy attas aýyldyq okrýgtiń atyn ıelenedi. 5311 adam turady. Mádenıet nysandary, eki shaǵyn ortalyq, kásiptik-tehnıkalyq kolledj, birneshe saýda núkteleri jumys isteıdi. «Jańabaev» jeke kásipkerligine jetekshilik etetin Bekaıdar Jańabaev byltyr agrobanktiń ıesiz qalǵan ǵımaratyn qalpyna keltirip, keshendi saýda ortalyǵyna aınaldyrypty. Ol úshin «Bıznestiń jol kartasy-2020» baǵdarlamasy sheńberinde jeńildikti nesıe alyp, 25 adamǵa turaqty jumys taýyp bergen. Munda naýbaıhana, kondıter sehy, aıaq-kıim jóndeý sheberhanasy ornalasqan. Jýyrda paıdalanýǵa berilgen16 páterli úı birinshi kezekte jetim balalar men jas mamandarǵa berilgen. Samat Saparbekuly 125 búldirshin tárbıelenip jatqan «Erketaı» balabaqshasyna soǵyp, tartý-taralǵy jasady. Jylyna 340 myń tonna kvars qumyn óndirýge qaýqarly «Aqtóbe Glas» fırmasynyń jumysymen tanysty.
Aýdandaǵy jumys saparynan oralysymen oblystyq ardagerler keńesiniń keńeıtilgen tóralqa májilisine qatysqan S. Eskendirov soǵys múgedekteri men ardagerlerdi tolǵantatyn máselelerdi muqııat tyńdap alǵannan keıin Uly Jeńiske daıyndyq barysy jaıly jan-jaqty habardar etti. Keshendi is-sharalarda ardagerlerdiń áleýmettik turmysyn, ómir sapasyn jaqsartý jaıyna jetkilikti kóńil aýdarylǵan. Atap aıtqanda, eski úılerde turyp jatqan qarttar úshin kelesi jyldan bastap 100 myń teńgeden járdemaqy tólenedi. «Jeńis» saıabaǵyn jańǵyrtý jalǵasyn tabady. Soǵys qaharmandaryna arnalyp stella ornatylady. Esimderi eskertkish taqtaǵa jazylady. Kóshelerge attaryn berý, ardagerler úıin salý usynystary da qoldaý tapty.
О́mir ESQALI,
«Egemen Qazaqstan».
Soltústik Qazaqstan oblysy.
Sýretti túsirgen Talǵat TÁNIBAEV.
