Bilim • 17 Tamyz, 2022

Elordada 2 myń orynǵa arnalǵan mektepter salynady

38 ret kórsetildi

Nur-Sultan qalasynyń ákimi Altaı Kólginov elordada úlken mektepterdi salýǵa basymdyq beriletinin aıtty, dep habarlaıdy Egemen.kz.

«Byltyrdan beri oqýshylardyń biraz bóligin qamtı alatyn iri mektepterdiń qurylysyna qatysty qanatqaqty jobalarǵa kirisken edik. Buǵan deıin bir aýysymda eń úlken mektep 1,2 myń oryndy, al eki aýysymda 2,4 myńdy qamtıtyn. Endi 2 myń orynǵa eseptelgen alty mektep saldyq. Eki aýysymda oqytsa, bulardyń árqaısysy 4 myń oryndy qamtamasyz etedi. Osy oraıda bul úlken mektepterdi salý durys ekenin kórip otyrmyz», dedi Altaı Kólginov elorda máslıhatynyń kezekten tys sessııasynda.

Onyń aıtýynsha, elordada jyl saıyn shamamen 15 mektep salynýy tıis.

«Jaqynda Premer-Mınıstr bul baǵyttaǵy bastamalardy qoldady. Osy oraıda múmkindiginshe 2 myń orynǵa arnalǵan mektepterdi salamyz. Sebebi aldaǵy ýaqytta mektepterge qatysty másele ózekti bolatyny túsinikti. Jyl saıyn 10-15 mektep salýymyz kerek», dedi ákim.

«Qala aýmaǵynda mektepterdiń qurylysyn qarqyndy júrgizý máselesi Prezıdenttiń baqylaýynda tur. Úsh baǵyt boıynsha, ıaǵnı memlekettik bıýdjet esebinen mektep salýdy, memlekettik-jekeshelik áriptestik jáne jeke ınvesıtısııalar esebinen iske asyramyz. Aldaǵy ýaqytta mektep qurylysynyń qarqynyn kúsheıtýimiz kerek. Bas josparda ár shaǵynaýdanda, jańa qurylys nysandary salynyp jatqan jerlerde salynatyn mektepterdi bekittik», dedi ol.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar