«Shyn máninde, Qazaqstan men Reseı arasynda strategııalyq seriktestik negizindegi qarym-qatynas ornaǵan. Bıyl biz dıplomatııalyq qarym-qatynas ornatýdyń óte mańyzdy datasyn atap ótip jatyrmyz. Osydan 30 jyl buryn Dostyq, yntymaqtastyq jáne ózara kómek týraly shartqa qol qoıyldy. 2013 jyly osy Shart elderimiz arasyndaǵy odaqtastyq qatynastar týraly siz qol qoıǵan jańa qujatpen tolyqtyryldy. Sondyqtan qalyptasqan negiz óte jaqsy», dedi Qazaqstan Prezıdenti.
Sondaı-aq, Qasym-Jomart Toqaev BUU jáne basqa da halyqaralyq ınstıtýttar arqyly belsendi yntymaqtasyp kele jatqanymyzǵa toqtaldy.
«Bıyl Qazaqstan TMD-ǵa tóraǵalyq etedi. Qazan aıynda TMD sammıti ótedi. Oǵan ózińiz qatysady degen senimdemiz. Onyń ústine Reseı Táýelsiz Memleketter Dostastyǵynda mańyzdy ról atqarady. Bul – shynymen de halyqaralyq formattaǵy yntymaqtastyqtyń basym baǵyty», dedi Prezıdent.
