Prezıdent • 19 Tamyz, 2022

Qazaqstan Prezıdenti Reseı basshysymen kelissóz júrgizdi

65 ret kórsetildi

Qasym-Jomart Toqaev Reseı Federasııasynyń Prezıdenti Vladımır Pýtınmen kelissóz júrgizdi, dep habarlaıdy Egemen.kz Aqordaǵa silteme jasap.

Kezdesýde memleket basshylary Qazaqstan-Reseı strategııalyq áriptestiginiń ózekti máselelerin jan-jaqty talqylady. Saýda-ekonomıkalyq jáne ınvestısııalyq yntymaqtastyqty nyǵaıtýǵa erekshe nazar aýdaryldy. Atap aıtqanda, ónerkásip, energetıka, munaı-hımııa jáne basqa da salalarda birlesken jobalardy júzege asyrý máseleleri qarastyryldy.

Sonymen qatar prezıdentter halyqaralyq jáne óńirlik kún tártibindegi ózekti máseleler, sondaı-aq kópjaqty qurylymdar aıasyndaǵy ózara is-áreketter týraly pikir almasty.

Qasym-Jomart Toqaev ekijaqty qarym-qatynastardyń qarqyndy damyp kele jatqanyn atap ótti.a

«Shyn máninde, Qazaqstan men Reseı arasynda strategııalyq seriktestik negizindegi qarym-qatynas ornaǵan. Bıyl biz dıplomatııalyq qarym-qatynas ornatýdyń óte mańyzdy datasyn atap ótip jatyrmyz. Osydan 30 jyl buryn Dostyq, yntymaqtastyq jáne ózara kómek týraly shartqa qol qoıyldy. 2013 jyly osy Shart elderimiz arasyndaǵy odaqtastyq qatynastar týraly siz qol qoıǵan jańa qujatpen tolyqtyryldy. Sondyqtan qalyptasqan negiz óte jaqsy», dedi Qazaqstan Prezıdenti.

Qasym-Jomart Toqaev saýda-ekonomıkalyq yntymaqtastyq tabysty damyp kele jatqanyna toqtalyp, ónerkásip kooperasııasy bizdiń kóńilimizden shyǵatyndaı eleýli nátıjelerge jetkenin atap ótti. Memleket basshysynyń aıtýynsha, saýda dınamıkasy durys jaǵynan damyp jatyr. Byltyr saýda kólemi 24,5 mıllıard dollardy qurady. Prezıdent bul kórsetkishpen Reseı bizdiń taýar aınalymymyzda birinshi orynda turǵanyn aıtty.

Qasym-Jomart Toqaev BUU jáne basqa da halyqaralyq ınstıtýttar arqyly belsendi yntymaqtasyp kele jatqanymyzǵa toqtaldy.

«Bıyl Qazaqstan TMD-ǵa tóraǵalyq etedi. Qazan aıynda TMD sammıti ótedi. Oǵan ózińiz  qatysady degen senimdemiz. Onyń ústine Reseı Táýelsiz Memleketter Dostastyǵynda mańyzdy ról atqarady. Bul – shynymen de halyqaralyq formattaǵy yntymaqtastyqtyń basym baǵyty»,  dedi Prezıdent.

Memleket basshysy qazirgi geosaıası jaǵdaıdaǵy ekijaqty yntymaqtastyqty odan ári nyǵaıtý máselelerine nazar aýdardy.

«Geosaıası jaǵdaıdyń ereksheligi úkimetterimizge qosymsha nusqaýlar berý úshin kelisip alý qajet ekenin kórsetip otyr. Olar bir-birimen tabysty qyzmet etip keledi. Degenmen ómirdiń ózi jańa mindetter qoıady jáne olar sheshýdi qajet etedi. Jalpy, bizdiń yntymaqtastyǵymyzdyń damyp kele jatqanyna qanaǵattanýǵa tolyq negiz bar. Men bul turǵyda sizben kelisemin. Bizdi ortaq shekara biriktiredi. Ol – álemdegi eń uzyn, qurlyqtaǵy tolyǵymen delımıtasııalanǵan shekara. Bizdiń yntymaqtastyǵymyzdyń bolashaǵyna qatysty pessımıstik boljamdar jasaýǵa, árıne, negiz joq! Men Qazaqstan Respýblıkasynyń Prezıdenti retinde barlyq salalardaǵy ekijaqty yntymaqtastyǵymyzǵa qosymsha serpin berýge nıettimin», dedi Qasym-Jomart Toqaev.

 

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar