Energyprom zertteýine sáıkes, 2022 jylǵy shildede Qazaqstanda 11,6 myń jeńil avtomobıl jáne jeńil kommersııalyq tehnıka satyldy. Bul ótken jylǵy shildemen salystyrǵanda 9,1%-ǵa artyq. Satýdyń ósýi otandyq avtomobıl zaýyttaryn qazaqstandyq tutynýshylardyń qajettilikteri úshin jedel qaıta qurý jáne reseılik mashınalardyń tapshylyǵy jaǵdaıynda ishki naryqty qanyqtyrý arqyly qamtamasyz etildi.
Qazaqstanda satylǵan jańa avtomobılder sany boıynsha 2022 jylǵy shildede Chevrolet markasy kóshbasshy boldy. 4 myń qazaqstandyq atalǵan markanyń avtokóligin satyp alǵan. Bul 2021 jylǵy shildemen salystyrǵanda 29,4%-ǵa artyq. Sondaı-aq Hyundai markaly 2,6 myń avtokólik satyldy, mundaǵy ósim 29,6%-dy quraıdy. Kia markaly 1,4 myń kólik kóshbasshylarynyń úshtigin 11%-dyq ósimmen tuıyqtady. Top 5-ke Toyota jáne Lada da endi.
Shilde aıynda qazaqstandyqtar arasynda tanymal jańa avtokólikterdiń top 10 quramyna Hyundai markasynyń birden 5 modeli kirdi. Olar: Tucson (810 birlik), Sonata (433 birlik), Santa Fe (414 birlik), Creta (391 birlik) jáne Elantra (373 birlik). Budan basqa, top quramynda Chevrolet Cobalt (2796 birlik) jáne Nexia (957 birlik), sondaı-aq Kia Sportage (917 birlik), Toyota LC Prado (491 birlik) jáne Lada Granta (276 birlik) modeli boldy.
