21 tamyz kúni saǵat 22.00 shamasynda Qaraǵandy qalalyq Polısııa basqarmasyna qarasty Kırov polısııa bólimine aýdandaǵy saýda úıleriniń biriniń kólik turaǵynda aýyr dene jaraqattary bar jol-kólik oqıǵasy bolǵany týraly habarlama tústi. Oqıǵa orynyna birden jedel-tergeý toby jiberildi.
Belgili bolǵandaı, kólik júrgizýshisi 30 jastaǵy azamatty qaǵyp ketken. Saldarynan jábirlenýshi ártúrli dene jaraqattarymen aýrýhanaǵa jatqyzyldy.
Polısııa qyzmetkerleri oqıǵa bolǵan jerde ornatylǵan beınebaqylaý kameralarynyń jazbalaryn zerdeleı kele, jábirlenýshini bul qasaqana jasalǵan degen sheshimge keldi. Beınejazbadan júrgizýshiniń saýda orynynan shyǵyp kólikke otyrǵany kórinedi. Keıin kólikke jábirlenýshi jaqyndaǵan. Sol sátte júrgizýshi ornynan qozǵalyp, azamatty qaǵyp ketken. Osydan keıin júrgizýshi jábirlenýshige alǵashqy kómek kórsetýdiń ornyna oqıǵa bolǵan jerden izin sýytqan.
Krımınaldyq polısııa qyzmetkerleri júrgizgen keshindi is-sharalar barysynda jol-kólik oqıǵasyn jasady degen kúdikpen 23 jastaǵy qala turǵyny anyqtalyp, ustaldy. Kúdikti jábirlenishini tanymaıtyndyǵyn, kólikke otyrǵanda jábirlenýshi odan temeki surǵanyn jáne oǵan joq dep jaýap bergenin, sondaı-aq kólik júrgizýshiniń áıeli de jábirlenýshige eskertý jasaǵanyn aıtty. Alaıda sońǵysy kólik qozǵalyp bara jatqanda kólikke jaqyndap, sol kezde ony qaǵyp, basyp ketkeni belgili boldy.
Atalǵan fakti boıynsha Qazaqstan Respýblıkasy Qylmystyq kodeksiniń 24-99-babyna (Adam óltirýe oqtalý) sáıkes qylmystyq is qozǵaldy. Kúdikti ýaqytsha ustaý ızolıatoryna qamaldy. Tergeý amaldary júrgizilýde.
