Otandyq BAQ jýrnalısteri bas prokýrordyń orynbasary Áset Shyndalıevten raqymshylyq jasalatyn adamdardyń sany jaıly surady.
«Ázirge naqty sandy aıta almaımyn. Qazir sol boıynsha jumys istep jatyrmyz. О́zderińiz biletindeı, Memleket basshysy keshe tapsyrma berdi. Ekstremıstik qylmys jasaǵandar men uıymdastyrýshylarǵa raqymshylyq jasalmaıdy. Qazirdiń ózinde 1000-nan astam is tergeldi, 1000-ǵa jýyq adam sottaldy», dep jaýap berdi Áset Shyndalıev.
Osy oraıda Bas prokýrordyń orynbasary naqty sandar keıinirek aıtylatynyn atap ótti.
«Tergeý kezinde biz gýmanızm áreketterin kórsettik dep aıta alamyn. Prezıdent qańtar oqıǵalarynda aýyr qylmys jasamaǵan adamdardy bas bostandyǵynan aıyrmaý úshin olarǵa adamgershilikpen qaraýdy tapsyrǵan. Meniń aıtaıyn degenim, qańtar oqıǵasyna qatysty elde 983 adam sottaldy, olardyń 100-den astamy naqty merzimderdi aldy», dep qosty ol.
